२०७९ फागुन १९ गते १६:२७ 
१९ फागुन, काठमाडौं । आयोजक लोयल्टी एकेडेमी११ औं लोयल्टी कप अन्तरविद्यालय जुनियर छात्र फुटबल प्रतियोगितामा शुक्रबार च्याम्पियन बनेको छ ।
मण्डिखटारस्थित घरेलु मैदानमा भएको फाइनलमा लोयल्टीले अघिल्ला दुई संस्करणको विजेता लिटिल एन्जल्सलाई २–० गोलले पराजित गरेको हो । लोयल्टीका लागि दुवै गोल बसन्त राउतले गरे ।
उपविजेता टिम लिटिल एन्जल्सका स्मिथ राउत प्रतियोगिताका सर्वोत्त्कृष्ट खेलाडी घोषित भए । प्रतियोगिताभर ८ गोल गरेका लोयल्टीका साहिल राई सर्वाधिक गोलकर्ता बने । विद्या संस्कारका प्रहार केसी उत्कृष्ट गोलरक्षक तथा लोयल्टीका सैलेश कर्माचार्य उत्कृष्ट प्रशिक्षक चुनिए । त्रिज्योतिले अनुशासित टिमको उपाधि हात पार्यो ।
पाँचदिने प्रतियोगितामा १२ टिमले लिग कम नकआउटका आधारमा प्रतिस्पर्धा गरेका थिए । पहिलो पटक प्रतियोगिता लिग कम नकआउट आधारमा खेलाइएको हो । विगतका १० संस्करण नकआउट प्रणालीमा भएको थियो ।
प्रतिक्रिया 4