+
+

माओवादी पोलिट्ब्यूरो सदस्य सूर्य सुवेदीको घरमा राखिएको स्कुटरमा आगजनी

अनलाइनखबर अनलाइनखबर
२०७९ फागुन २१ गते १८:०८

२१ फागुन, चितवन । नेकपा माओवादी केन्द्रका पोलिट्ब्यूरो सदस्य सूर्य सुवेदी पथिक एवम् प्रतिनिधि सभा सदस्य ज्ञानु बस्नेतको चितवनको भरतपुरस्थित घरमा राखिएको स्कुटरमा आगजानी भएको छ ।

भरतपुर महानगरपालिका वडा नं. १४ फूलवारीमा रहेको सुवेदीको घरमा राखिएको ना ३५ प ७४४९ नम्बरको नम्बरको स्कुटर आगजनी भएको हो ।

आगो कसैले लगाएको हो वा कतै सर्ट भएर लागेको हो भन्ने नखुलेको चितवनका प्रहरी प्रमुख एसपी रामेश्वर कार्कीले जानकारी दिए ।

कम्पाउण्ड नभएको खुला घर भएकोले कसैले आगो लगाएका हुन पनि सक्ने अनुमान प्रहरीको छ । गएराति ११ बजेतिर नै प्रहरीलाई आगो लागेको खबर आएपछि प्रहरी चौकी फूलवारीबाट गएका प्रहरीले आगो निभाएका थिए ।

स्कुटरमा आगो लाग्दा घरको भित्ताहरुसमेत डढेको प्रहरीले जनाएको छ । जिल्ला प्रहरी कार्यालय चितवनका प्रहरी प्रवक्ता डीएसपी विजयराज पण्डितले घटनाको अनुसन्धान भैरहेको जानकारी दिए ।

माओवादी केन्द्र चितवनका संयोजक रामचन्द्र अधिकारीले घटना निन्दनीय भएको भन्दै छानबिनको माग गरेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?