विज्ञापनको पर्चा बाँड्ने रोजगार कम्पनीलाई महानगरले तिरायो जरिबाना

५ चैत, काठमडौं । काठमाडौं महानगरपालिकाले जथाभावी विज्ञापनको पर्चा–पम्पलेट बाँडेर फोहोर गरेको भन्दै एक रोजगार कम्पनीलाई कारबाही गरेको छ ।

महानगरपालिकाले काठमाडौं ७ मा रहेको सादना जबलाई प्रशासनिक दण्ड जरिवाना अन्तर्गत फोहोर मैला गरे वापत ५ हजार रुपैयाँ तिराएको हो ।

काठमाडौं महानगरपालिका सफा राख्ने प्रयास गरेको भन्दै आफ्नो विज्ञापनको पर्चा, पम्पलेट, फ्लेक्सबाट फोहोर भएर महानगरले जरिबाना तिराउने जनाएको छ ।

काठमाडौं महानगरपालिकाले यसअघि जथाभावी फोहोर फाल्ने संस्था, सवारी साधनलाई पनि जरिबाना तिराएको थियो ।