धुलिखेल अस्पतालमा मोबाइल एपबाटै टिकट काट्ने सुविधा

काठमाडौं । आईएमई समूह अन्तर्गतको मिडास टेक्नोलोजिजसँगको सहकार्यमा धुलिखेल अस्पतालले मोबाइल एप सञ्चालनमा ल्याएको छ ।

यो सेवा मार्फत घरमै बसेर अस्पतालले उपलब्ध गराउने स्वास्थ्य सेवाको टिकट अनलाइनमार्फत बुकिङ गर्न सक्ने भएकोले बिरामीहरूलाई अस्पतालसम्म आइपुग्न र लामो लाइनमा उभिने झन्झटबाट मुक्ति मिल्ने विश्वास गरिएको छ ।

यो एपबाट प्रयोगशालामा गरिएका परीक्षणका रिपोर्टहरू समेत प्राप्त गर्न सकिने मिडासले जनाएको छ । मिडासका अनुसार एप मार्फत नेपाल सरकारको स्वास्थ्य बीमा बोर्डबाट प्रदान हुने स्वास्थ्य बीमाको सुविधा, निःशुल्क रुपमा अस्पताल टिकट बुक गर्ने र आफ्नो बीमाबारे पनि जानकारी प्राप्त गर्न सक्नेछन् ।