काभ्रेको साँगामा अपाङ्गतामैत्री एटीएम सञ्चालनमा

काठमाडौं । हिमालयन बैंक लिमिटेडले काभ्रेको साँगास्थित स्पाइनल इन्जरी पुनर्स्थापना केन्द्रमा अपाङ्गतामैत्री एटीएम सञ्चालनमा ल्याएको छ ।

सबैका लागि बैंक, सबैका लागि बैंकिङ सुविधा भन्ने उद्देश्यका साथ एटीएम सञ्चालनमा ल्याइएको बैंकले जनाएको छ ।

केन्द्रको २१ औं वार्षिक उत्सवको उपलक्ष्यमा बनेपा नगरपालिकाका मेयर शान्ति रत्न शाक्य, हिमालयन बैंकका अध्यक्ष प्रचण्डबहादुर श्रेष्ठ र स्पाइनल इन्जरी पुनर्स्थापना केन्द्रका अध्यक्ष डा. शान्ता दीक्षितले एटीएमको संयुक्त रुपमा उद्घाटन गरेका हुन् ।

कार्यक्रममा बैंकका प्रमुख कार्यकारी अधिकृत अशोक शमशेर जबरा लगायत बैंक तथा उक्त संस्थाका कर्मचारीहरुको पनि उपस्थिति रहेको थियो ।