कर्णाली कांग्रेस संसदीय दलको प्रमुख सचेतकमा विष्ट

७ वैशाख, सुर्खेत । नेपाली कांग्रेस कर्णाली प्रदेशसभा संसदीय दलको प्रमुख सचेतकमा सांसद हिक्मत विष्ट चयन भएका छन् ।

बिहीबार बसेको कांग्रेस संसदीय दलको बैठकपछि संसदीय दलका नेता जीवनबहादुर शाहीले विष्टलाई दलको प्रमुख सचेतकमा नियुक्त गरेका हुन् ।

दलको बैठकले सबैको सहमतिमा विष्टलाई प्रमुख सचेतक चयन गरेको नेता जीवनबहादुर शाहीले जानकारी दिए । विष्ट कालिकोट (२) बाट प्रदेशसभामा निर्वाचित सांसद हुन् ।

प्रदेश सभामा यसअघि नेकपा माओवादीले मात्र सचेतक तोकेको थियो । नेकपा एमालेले अझै दलको सचेतक तोकेको छैन ।