१७ वैशाख, विराटनगर । संखुवासभास्थित अरुण तेस्रो जलविद्युत आयोजनाको सुरुङमा पहिरो खस्दा पानी रोकिए पनि जोखिम नरहेको प्रहरीले जनाएको छ ।
पहिरो गएपनि पानी निकास भइरहेका कारण बस्तीहरुमा जोखिम नभएको कोशी प्रदेशका प्रहरी प्रमुख डीआईजी राजेशनाथ बास्तोलाले जानकारी दिए । ‘टनेल साइटको पहिरोले पानी थुनिएको हो, दायाँ–बायाँबाट निकास भइरहेको जानकारी आएको छ’, उनले भने, ‘ मानव बस्तीमा पानीको जोखिम छैन ।’
निर्माणाधीन ९ सय मेगावाटको अरुण तेस्रो जलविद्युत निर्माणस्थल संखुवासभाको फाक्सिन्दामा आइतबार बिहान सुक्खा पहिरो खसेर अरुण नदी थुनिएको हो । पहिरोले निर्माणधीन अरुण तेस्रो आयोजनाको संरचनामा पनि क्षति पुगेको छ । पहिरोले ४२९ मिटर लामो डाइर्भसन टनेलको निकास विन्दुमा निर्माण भएको संरचनामा क्षति पुगेको छ ।
पहिरोले थुपारेको माटो एकैपटक बग्न सक्ने भएकालेर प्रहरीले अरुण नदी किनारमा नजान सर्वसाधारणलाई आग्रह गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4