यी हुन् तपाईंको पैसा चोर्ने खतरनाक एन्ड्रोइड एप, आजै डिलिट गरिहाल्नुस्

एन्ड्रोइड प्रयोगकर्ताहरुलाई आफ्नो फोनबाट पैसा चोर्ने खतरनाक एपहरु तत्कालै डिलिट गर्न साइबर सेक्योरिटी कम्पनी क्यास्पर्स्कीले चेतावनी दिएको छ ।

अफिसियल गुगल प्ले स्टोरमा मालवेयर प्रवेश गरी त्यस्ता एपहरुबाट प्रयोगकर्ताको पैसा चोरिरहेको खुलासा उसले गरेको हो ।

त्यस्ता खतरनाक एन्ड्रोइड एपहरु ११ वटा पाइएको छ । जुन सन् २०२२ देखि यतामात्रै ६ लाख २० हजार पटक डाउनलोड भएका छन् ।

गुगल प्ले स्टोरबाटै डाउनलोड हुने ती एप वैधानिक जस्तै देखिए पनि त्यसमा रहेको मालवेयरले गोप्य रुपमा ब्याकग्राउण्डमा काम गर्दछ ।

क्यास्पर्स्कीका अनुसार त्यो मालवेयरको नाम Fleckpe हो । यो मालवेयर विभिन्न एपबाट प्रयोगकर्ताको फोनमा छिरेर अनधिकृत रुपमा प्रयोगकर्ताको अकाउन्टमा सब्सक्रिप्सन शुल्क लगाउँदछ ।

क्यास्पर्स्कीका अनुसार यो मालवेयर फोटो एडिटर तथा वालपेपर जस्ता साधारण एपहरुमा देखिएको हो ।

पैसा चोर्ने भाइरस पाइएका ती एपलाई गुगलले प्ले स्टोरबाट हटाइसकेको बताइएको छ । तर यदि कोही प्रयोगकर्ताको फोनमा ती एपहरु डाउनलोड भइसकेका भए तत्कालै हटाउन पनि क्यास्पर्स्कीले चेतावनी दिएको छ । पैसा चोर्ने ११ वटा एप यी हुन् :

Beauty Camera Plus (com.beauty.camera.plus.photoeditor)

Beauty Photo Camera (com.apps.camera.photos)
Beauty Slimming Photo Editor (com.beauty.slimming.pro)
“ingertip Graffiti (com.draw.graffiti)
GI“ Camera Editor (com.gif.camera.editor)
HD 4K Wallpaper (com.hd.h4ks.wallpaper)
Impressionism Pro Camera (com.impressionism.prozs.app)
Microclip Video Editor (com.microclip.vodeoeditor)
Night Mode Camera Pro (com.urox.opixe.nightcamreapro)
Photo Camera Editor (com.toolbox.photoeditor)
Photo Effect Editor (com.picture.pictureframe)

यदि तपाईंको फोनमा पनि माथिका मध्ये कुनै एप डाउनलोड छ भने तत्कालै डिलिट गरिहाल्नुस् । ढिलो भयो भने तपाईं पनि पैसा चोर्ने भाइरसको फन्दामा पर्न सक्नुहुन्छ ।

कसरी डिलिट गर्ने एन्ड्रोइड एप ?

· Google Play Store एपमा जानुहोस्
· स्क्रिनको दायाँ माथिपट्टि रहेको Profile icon मा ट्याप गर्नुहोस्
·Manage Apps & Devices मा ट्याप गर्नुहोस् र Manage मा जानुहोस्
· त्यसपछि आफुले डिलिट गर्न चाहेको उल्लेखित एपमा ट्याप गर्नुहोस्
· त्यसपछि Uninstall मा ट्याप गर्नुहोस् ।