विराट राजाको दरबारदेखि बर्जुसम्म दौड गर्ने तयारी  

२४ वैशाख, विराटनगर। कोशी प्रदेशको पर्यटन, वन तथा वातावरण  मन्त्रालयले विराटनगरमा रहेको  विराट राजाको दरबारबदेखि सुनसरीको बर्जु  गाउँपालिकामा रहेको बर्जु तालसम्म म्याराथन दौड प्रतियोगिता आयोजना गर्ने तयारी  गरेको छ।

मन्त्रालयले जेठ ६ गते म्याराथन दौड प्रतियोगिता आयोजना गर्ने तयारी  गरेको पर्यटन, वन तथा वातावरण मन्त्री जीवन आचार्यले बताएका छन् ।

मन्त्री आचार्यका अनुसार पौराणिक महत्वका दुई क्षेत्रलाई म्याराथन दौडमार्फत जोड्ने तयारी गरिएको हो ।

विराट राजाको दरबार क्षेत्र र  बर्जु तालको ब्याख्या महाभारतमा पनि पाइन्छ । दुई पर्यटकीय क्षेत्रलाई जोड्ने गरी  दौड आयोजना गर्न लागिको हो । दुई क्षेत्रको  दूरी  १६ किलोमिटर छ ।