ओलीको प्रतिक्रिया : बजेटले अहिलेको संकटको समाधान दिन सक्दैन

१५ जेठ, काठमाडौ । नेकपा एमालेका अध्यक्ष केपी शर्मा ओलीले बजेटले मुलुकको आर्थिक समस्याको समाधान दिन नसक्ने बताएका छन् ।

सोमबार बजेट सार्वजनिक भएपछि संसद भवनमा संक्षिप्त प्रतिक्रिया दिंदै अध्यक्ष ओलीले अहिलेको बजेटले आर्थिक संकट दर्शाए पनि समाधान नदिने बताएका हुन् । उनले भने, ‘बजेटले संकट दर्शाउँछ तर संकटको समाधान केही पनि दिंदैन ।’

अध्यक्ष ओलीले सरकारले ल्याएको बजेटको बारेमा विस्तृत रूपमा पछि धारणा सार्वजनिक गर्ने पनि बताए ।