
काठमाडौं । नेपाली फिल्म ‘नीरफूल’ दक्षिण कोरियामा पनि प्रदर्शन हुने भएको छ । फूलमान बल निर्देशित फिल्मलाई दक्षिण कोरियाका विभिन्न सहरमा प्रदर्शन गर्नेगरी धनजीत वाइबाको समूहले प्रदर्शन अधिकार किनेको हो ।
भूकम्पका कारण बिछोडिएका एक परिवारका सदस्यले पुनर्मिलनको लागि गरेको प्रयत्नमा आधारित फिल्मलाई अन्य देशमा प्रदर्शन गर्ने योजना समेत बनिरहेको निर्देशक बलले बताए । ‘फ्यामिली मिसिङ’को कथासँगै राज्यप्रणालीको कमजोर पक्षसमेत उजागर गरिएको फिल्म अहिले नेपालमा दोस्रो सातामा चलिरहेको छ ।
गणेश हिमालमुनिको रुबीभ्याली, रसुवा र काठमाडौंमा छायांकन गरिएको फिल्ममा दयाहाङ राई, रेखा थापा, शान्ति वाइबा, बुद्धि तामाङ, पुष्कर गुरुङ, जिग्मे छ्योकी घिसिङ, राजन खतिवडा, सरोज अर्याल, सरिता गिरी, रोशन फ्युबा लगायतले अभिनय गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4