डा. सन्दुक रुइतले पाएको इसा अवार्डको पुरस्कारमा लाग्ने कर छुट

४ असार, काठमाडौं । सरकारले डा. सन्दुक रुइतले बहराइन सरकारबाट पाएको इसा अवार्डसँगै प्राप्त भएको पुरस्कार रकममा कर छुट दिएको छ ।

गृह मन्त्रालयले राजपत्रमा सूचना प्रकाशित गर्दै यस्तो जानकारी गराएको हो । डा. रुइतले इसा अवार्ड ट्रष्टबाट १० लाख अमेरिकी डलर राशीको पुरस्कार पाएका थिए ।

यो रकममा लाग्ने कर छुट दिने निर्णय नेपाल सरकारको ११ फागुनको बैठकले गरेको सूचनामा उल्लेख छ । सामान्यतया पुरस्कार राशीमा २५ प्रतिशत कर लाग्ने व्यवस्था छ ।