राजनीतिमा अवसरवाद के हो ? माइला लामाले दिए सांगीतिक जवाफ

जसको आफ्नै आकार हुन्न, हुन्न कुनै रंग

जसरी नि फाइदा लिने यिनको खास ढंग

अदलबदल सारा कुरा जित्न स्वार्थी जंग

कम्युनिष्ट नेता तथा संस्कृतिकर्मी माइला लामाको शब्द र संगीत रहेको ‘अवसरवाद’ नामक गीतका हरफहरू हुन् यी । गायिका निर्मला घिसिङको स्वर रहेको गीतमा राजनीतिमा देखिएको अवसरवादको चिरफार गरिएको छ ।

लेखक तथा संगीतकार लामा १० वर्षको युद्धमा प्रत्यक्ष सहभागी थिए । पछिल्लो समय नेत्रविक्रम चन्द विप्लव नेतृत्वको नेपाल कम्युनिष्ट पार्टीमा रहेका लामा लामो समय जेल सजाय बिताएर छुटेका हुन् ।

युद्धमा घाइते भएर सुन्ने क्षमता गुमाएका उनी घाइते पनि हुन् । गायिका घिसिङले शुक्रबार आफनो युट्युब च्यानलबाट सार्वजनिक गरेकी गीतमा अवसरवादलाई संघर्षद्वारा पराजित गर्न आह्वान गरिएको छ ।