भर्जिन ग्यालेक्टिकको पहिलो व्यवसायिक अन्तरिक्ष पर्यटन उडान, ३ यात्रुले गरेको अन्तरिक्षको सयर

अन्तरिक्ष पर्यटन कम्पनी भर्जिन ग्यालेििक्टकले पहिलोपटक अन्तरीक्षमा व्यवसायिक उडान सफलतापूर्वक सम्पन्न गरेको छ । पहिलो व्यवासयिक अन्तरिक्ष पर्यटन यात्रामा तिनजना यात्रु गएका थिए । तिनैजना इटालियन नागरिक हुन् ।

भर्जिन ग्यालेक्टिकको विमान भिएसएस युनिटीले मेक्सिकोस्थित मरुभूमिको आकाशमा ८० किलोमिटर माथि उडान भरेको थियो ।

सो अन्तरिक्ष यात्रामा इटालियन वायुसेनाका कर्णेल वाल्टर विलाडी, लेफि्टनेन्ट कर्णेल एन्जेलो ल्यान्डोल्फी तथा डाक्टर पेन्टालियोन कारलूसी सहभागी भएका थिए ।

साथै सो उडानमा दुईजना चालक दलका सदस्य थिए जसमा पाइलट माइकल मासुची र निकोला पेसिल थिए । उक्त अन्तरिक्ष उडान कूल ९० मिनेटमा सम्पन्न भएकको थियो ।

उडान भरेको ७५ मिनेटपछि विमानले अन्तरीक्षबाट तल र्झन सुरु गरेको थियो । युनिटी २ वटा इन्जिन भएको जहाज हो । ८० किलोमिटरको उचाइमा पुगेपछि सबै यात्रुले शून्य गुरुत्वाकर्षणको अनुभव गरेका थिए । पाइलटले उनीहरुलाई आफुहरु अन्तरिक्षमा आइपुगेको जानकारी गराएका थिए । त्यसपछि तिनैजना केहीबेरका लागि अन्तरीक्षको शून्य गुरुत्वाकर्षणमा तैरिए ।

अर्बपति जेफ बेजोसका अन्तरिक्ष कम्पनी ब्लू ओरिजिन तथा एलन मस्कको स्पेस एक्स कम्पनीपछि भर्जिन ग्यालेक्टिक मानिसहरुलाई पर्यटकको रुपमा अन्तरिक्षको यात्रा गराउने तेस्रो व्यवसायिक अन्तरीक्ष कम्पनी बनेको छ ।

ब्लू ओरिजिन र भर्जिन ग्यालेक्टिकले मानिसहरुलाई अन्तरिक्षको ढोकासम्म लिएर जान्छन् अर्थात् ८० देखि १ सय किलोमिटरको उचाइसम्म । यो क्षेत्रलाई कारमान लाइन भनिन्छ । उता स्पेस एक्सका यानमा जाने यात्रुहरु भन सिधै अन्तरिक्ष स्टेशनसम्मै जान पाउँछन् । यस्तो अन्तरिक्ष यात्राका लागि ती कम्पनीहरुले निकै मोटो रकम लिने गर्दछन् ।

भर्जिन ग्यालेक्टिकको उक्त व्यवसायिक उडानको टिकट शुल्क साढे ४ लाख डलर रहेको बताइएको छ । उक्त जहाज जुन ठाउँसम्म पुग्दछ सो ठाउँबाट पृथ्वी पूर्णरुपमा गोलाकार देखिन्छ र माथि कालो अन्तरिक्ष देखिन्छ जहाँ असंख्य तारा तथा ग्रहहरु देखिन्छन् ।

भर्जिन ग्यालेक्टिक कम्पनीले आफ्नो पहिलो सफल व्यवसायिक उडानमा खुसी व्यक्त गर्दै एक ट्वीट गरेको छ । युनिटी विमान अन्तरिक्षको यात्रा गरी पृथ्वीमा सफल अवतरण गरेसँगै उसले ग्यालेक्टिक १.० लाई पृथ्वीमा स्वागत छ भनेर लेखेको छ ।

स्मरण रहोस् अन्तरीक्षमा यात्राका लागि भर्जिन ग्यालेक्टिकसँग यसअघि नै ८ सय मानिसहरुले टिकटक बुक गराइसकेका छन् । अब दोस्रो उडान कहिले गर्ने भन्ने बारेमा केही बताइएको छैन ।