+
+

भिनिसियस ६ साता मैदान बाहिर रहने

अनलाइनखबर अनलाइनखबर
२०८० भदौ १२ गते ९:३५

काठमाडौं । रियल मड्रिडका स्टार फवार्ड भिनिसियस जुनियर कम्तिमा ६ साता मैदान बाहिर रहने भएका छन् ।

ला लिगामा सेल्टाभिगोसँग भएको खेलका क्रममा उनी घाइते भएका थिए । तिघ्राको चोटका कारण २३ वर्षका भिनिसियस खेल सुरु भएको १८ मिनेटमै मैदान छाडेका थिए ।

अब उनी अक्टोबरसम्म मैदान बाहिर रहने भएका छन् । गत सिजन ५५ खेलमा २३ गोल गर्नुका साथै २१ गोलका लागि असिस्ट गरेका भिनिसियसको अनुपस्थिति रियल मड्रिडका लागि चिन्ताको विषय बनेको छ ।

उनको अनुपस्थितिमा रियलले गेटाफे, सियल सोसिडाड र लस पाल्मससँग घरेलु मैदानमा खेल्नु पर्नेछ । एथ्लेटिको मड्रिडसँग हुने डर्बी भिडन्तमा समेत भिनिसियस उपलब्ध हुनेमा आशंका छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?