पशु सेवा विभागको महानिर्देशकमा डा. दाहाल नियुक्त

१८ भदौ, काठमाडौं । पशुसेवा विभागको महानिर्देशकको जिम्मेवारी डा. उमेश दाहालले पाएका छन् ।

कृषि तथा पशुपन्छी विकास मन्त्रालयले नेपाल लाइभस्टक सेन्टर इनोभेसन आयोजना प्रमुखका रुपमा काम गरिरहेका दाहाललाई विभागको महानिर्देशकमा नियुक्त गरेको हो ।

डा. दाहालले आयोजनाको निर्देशक हुनुअघि राष्ट्रिय खोप अन्वेषण प्रयोगशाला त्रिपुरेश्वरमा समेत काम गरेको थिए ।

हाल विभागकी महानिर्देशक रहेकी डा. सम्झनाकुमारी काफ्ले पाण्डेलाई मन्त्रालयमा सरुवा गरिएको छ ।