एमाले लुम्बिनी अधिवेशन : मंगलबार बिहान ७ बजेदेखि मतदान

१८ भदौ,बुटवल । नेकपा एमाले लुम्बिनी प्रदेशको नयाँ नेतृत्व चयनका लागि सोमबार रातिदेखि हुने भनिएको मतदान स्थगित गरिएको छ।

रातको समयमा मतदान गराउँदा राम्रो सन्देश नजाने भएकाले तयारी नपुगेको मतदान स्थगित गरिएको निर्वाचन समितिले जनाएको छ । निर्वाचन समिति प्रमुख हरिप्रसाद भण्डारीका अनुसार मंगलबार बिहान ७ बजेदेखि मतदान सुरु गर्ने गरी सोमबार राति स्थगित गरिएको हो ।

अध्यक्षमा पाल्पाका राधाकृष्ण कँडेल र प्युठानका हरि रिजाल उम्मेदवार छन् । कँडेल पक्षले एमाले उपाध्यक्ष विष्णु पौडेलको र रिजाल पक्षले महासचिव शंकर पोखरेलको समर्थन रहेको  बताउने गरेका छन् । सचिवमा भने लक्ष्मण आचार्य भने निर्विरोध भएका छन् ।

सचिवबाहेक अध्यक्ष, उपाध्यक्ष र दुई उपसचिव तथा सदस्यहरुमा निर्वाचन हुने भएको छ । भदौ १६ र १७ गतेका लागि तय भएको प्रदेश अधिवेशन १९ गते मात्रै मतदान दुई दिन लम्बिएको छ ।
निर्वाचनले ५ पदाधिकारी सहित २०५ सदस्यीय कार्यसमिति निर्वाचित गर्ने छ ।