तिलकसिंह पेलाले ल्याए सुदूरपश्चिमेली शैलीको ‘देउसरा आइगै’

काठमाडौं । गायक तथा संगीतकार तिलकसिंह पेलाले नयाँ गीत ‘देउसरा आइगै’ सार्वजनिक गरेका छन् । सुदूरपश्चिमेली भाषा र संस्कृति प्रस्तुत गरिएको गीतमा पेलाको स्वर तथा संगीत र हेमन्त विवशको शब्द छ । गीतलाई रिदम कँडेलले एरेन्ज गरेका हुन् ।

मायाप्रेमको कथा प्रस्तुत गर्ने गीतको भिडियोलाई बाबुराजा केसी ‘उज्ज्वल’ले निर्देशन गरेका छन् । हुड्केली, ठाडोखेल, छलिया नृत्य, होली, धामी नृत्य समावेश गरिएको भिडियोमा देवु सिंह वरा, योगिता दाहाल र जनक महरा फिचर्ड छन् ।

भिडियोलाई दीपक गिरीले छायांकन, देवु सिंह वराले कोरियोग्राफी र विष्णु शर्माले सम्पादन गरेका हुन् ।

गायक तथा संगीतकार पेलाको गत वर्ष सार्वजनिक भएको गजल ‘के लत बस्यो’ निकै लोकप्रिय भएको थियो ।