२२ असोज, काठमाडौं । व्यावसायिक फुटबल खेल्न इजरायल गएकी सावित्रा भण्डारी साम्बाले आफू सुरक्षित रहेको बताएकी छिन् ।
इजरायलबाट अनलाइनखबरको सम्पर्कमा आएकी उनले आफू अहिले तेलअविवमा रहेकाे र त्यहाँ कुनै खतरा नरहेको बताइन् ।
उनी शीर्ष श्रेणीको महिला लिगमा हापोएल रानानाबाट फुटबल खेल्न इजरायल गएकी थिइन् । एसियाली भूमिमा पर्ने भए पनि इजरायल युरोपेली महादेशको फुटबल महासंघमा सदस्य छ ।
अखिल नेपाल फुटबल संघ एन्फाले भने सावित्रा संकटमा रहेको भए राजदूतावासको सहयोगमा नेपाल झिकाउने बताएको छ ।
रसियामा रहेका एन्फाका अध्यक्ष पंकज विक्रम नेम्वाङ र महासचिव किरण राईले अनलाइनखबरसँगको कुराकानीमा सावित्राको सुरक्षाका बारेमा आफूहरु चिन्तित रहेको र उनलाई झिकाउन प्रयास भइरहेको बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4