२४ मंसिर, काठमाडौं । पेरिस सेन्ट जर्मेन (पीएसजी) ले फ्रेन्च लिग वानमा नान्ट्सलाई २-१ ले पराजित गरेको छ ।
वैकल्पिक खेलाडीको रुपमा मैदान प्रवेश गरेका कोलो मुअनीले खेलको अन्त्यतिर गोल गरेपछि पीएसजीले जित हात पार्दै शीर्ष स्थानमा ६ अंकको अग्रता बनाएको हो ।
घरेलु मैदान पार्क डे प्रिन्समा ब्राडली बार्कोलाले खेलको ४१औं मिनेटमा गोल गर्दै पीएसजीलाई अग्रता दिलाएका थिए । तर ६५औं मिनेटमा मोस्ताफा मोहमेदले नान्ट्सका लागि बराबरी गोल फर्काए ।
त्यसपछि ८३औं मिनेटमा कोलो मुअनीले पीएसजीका लागि निर्णायक गोल गर्दै ३ अंक दिलाउन मदत गरे ।
जितपछि पीएसजीको १५ खेलबाट ३६ अंक भएको छ ।
अर्को खेलमा रेन्सलाई २-१ ले हराएर ३० अंक जोडेको मोनाको दोस्रो स्थानमा उक्लेको छ । नाइस १४ खेलबाट २९ अंकसहित तेस्रोमा झरेको छ । नाइसले आइतबार रेइम्ससँग खेल्नेछ र यो खेल जितेमा दोस्रोमा उक्लनेछ ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4