२०८३ असोज २९ गते ९:३० 
News Summary
Generated by OK AI. Editorially reviewed.- युरोपियन च्याम्पियन्स लिगमा साविक विजेता पीएसजीले म्यानचेस्टर सिटीलाई उसकै मैदानमा ४-२ ले हराएको छ।
- रियल मड्रिडले ८१ मिनेटसम्म ३-१ ले पछाडि रहेर पनि रोमालाई ४-३ ले पराजित गरेको छ।
- लिभरपुलले एलएएसकेलाई ६-३ र एस्टन भिल्लाले फेनरबाचेलाई ६-० ले हराएका छन्।
२९ असोज, काठमाडौं । युरोपियन च्याम्पियन्स लिगको साविक विजेता पेरिस सेन्ट जर्मेन (पीएसजी) ले बुधबार राती भएको खेलमा म्यानचेस्टर सिटीलाई उसकै मैदानमा ४-२ ले पराजित गरेको छ ।
अर्को खेलमा रियल मड्रिडले सानदार पुनरागमन गर्दै रोमालाई ४-३ ले पराजित गरेको छ ।
एर्लिङ हालान्डले दुई गोल गरेपछि सिटीलाई घरेलु मैदानमा हार टार्न पर्याप्त भएन ।
पीएसजीका लागि डिवायर डुए, उसमान डेम्बेले र भिटिन्हाले सुरुवाती ३२ मिनेटमै ३-० को अग्रता दिलाएका थिए । माग्नेस अक्लिउचेले दोस्रो हाफमा एक गोल गरे । हालान्डले सिटीका लागि दोस्रो हाफमा दुई गोल फर्काएपनि हार टार्न सकेनन् ।
यस्तै अर्दा गुलेरले ९०औं मिनेटमा निर्णायक गोल गरेपछि रियलले रोमामाथि रोमाञ्चक जित हात पारेको हो ।
८१ मिनेटसम्म रियल ३-१ ले पछि थियो । तर कार्लोस एस्पीले ८२औं र एन्ड्रिकले ८५औं मिनेटमा गोल गर्दै खेल बराबरीमा ल्याए । गुलेरले अन्तिम समयमा विजयी गोल गरे ।
त्यसअघि रोमाका लागि मार्टेन डे रुनले सुरुवाती गोल गरेका थिए भने डेभयान मालेनेल दुई गोल गरेका थिए । केलिएन एमबाप्पेले रियलका लागि पहिलो गोल गरेका थिए ।
अन्य खेलमा ब्राडली बारकोलाको ह्याट्रिकमा इंग्लिस क्लब लिभरपुलले अस्ट्रियाको एलएएसकेलाई ६–३ ले पराजित गरेको छ । यस्तै अर्को इंग्लिस क्लब एस्टन भिल्लाले फेनरबाचेलाई ६–० को फराकिलो अन्तरले हरायो ।
प्रतिक्रिया 4