२०८० पुष २२ गते १०:५६ 
२२ पुस, काठमाडौं । रियल मड्रिड स्पेनिस कोपा डेल रे को अन्तिम १६ मा प्रवेश गरेमो छ ।
शनिबार राति भएको खेलमा चौथो श्रेणीको क्लब अरान्डिनालाई ३-१ ले पराजित गर्दै रियलले प्रि क्वाटरफाइनलमा स्थान पक्का गरेको हो ।
रियलको जितमा जोसेलु, ब्राहिम डियाज र रोड्रीगोले एक-एक गोल गरेका थिए ।
जोसेलुले ५४ मिनेटमा पेनाल्टीमा गोल गर्दै रियललाई अग्रता दिलाएका थिए । लगत्तै डियाजले ५५ औं मिनेटमा गोल गरी अग्रता दोब्बर पारे ।
इन्जुरी टाइमको पहिलो मिनेटमा रोड्रिगोले रियलमा लागि तेस्रो गोल गरे ।
इन्जुरी टाइमको अन्तिममन रियलकै नाचोले अरान्डिनाका लागि आत्मघाती गोल उपहार दिएका थिए ।
रियल सहित एट्लेटिको मड्रिड, गिरोना, गेटाफे, अलाभेज र रायो भालेकानोले पनि अन्तिम १६ मा स्थान बनाइसकेको छ ।
प्रतिक्रिया 4