बैंक तथा वित्तीय संस्थामा १ प्रतिशतभन्दा बढी सेयर होल्ड भएमा ‘उल्लेख्य स्वामित्व’ हुने

८ चैत, काठमाडौं । बैंक तथा वित्तीय संस्थामा १ प्रतिशतभन्दा बढी सेयर स्वामित्व भएमा ‘उल्लेख्य स्वामित्व’ हुने भएको छ ।

सरकारले संस्थामा प्रस्तुत गरेको बैंक तथा वित्तीय संस्था सम्बन्धी ऐन (बाफिया) संशोधन गर्न बनेको विधेयकमा उक्त व्यवस्था गर्न प्रस्ताव गरेको हो ।

हाल ‘उल्लेख्य स्वामित्व’ भन्नाले कुनै व्यक्ति वा संस्थाले एक्लै वा अन्य व्यक्ति वा संस्थासँग मिली संयुक्त रुपमा कुनै बैंक वा वित्तीय संस्थाको चुक्ता पूँजीको २ प्रतिशत वा सोभन्दा बढी सेयर लिएको तथा सेयर स्वामित्वका कारण बैंक वा वित्तीय संस्थाको व्यवस्थापनमा प्रभाव पार्नसक्ने अवस्था सम्झनु पर्ने उल्लेख छ ।

तर, बाफिया संशोधन विधेयकमा भने १ प्रतिशतभन्दा बढी सेयर लिएको वा सेयर स्वामित्वका कारण बैंक वा वित्तीय संस्थाको व्यवस्थापनमा प्रभाव पार्न अवस्थालाई ‘उल्लेख्य स्वामित्व’ हुने परिभाषित गरिएको छ ।