कृषि तथा वनतर्फ सचिव बढुवाका लागि ३ सहसचिव सिफारिस

१ जेठ, काठमाडौं । कृषि तथा वन सेवा समूहमा रिक्त एक सचिव पदका लागि ३ जना सहसचिवको नाम सिफारिस भएको छ ।

लोकसेवा आयोगका अध्यक्ष माधवप्रसाद रेग्मीको अध्यक्षताको सचिव बढुवा सिफारिस समितिले कृषि तथा वन समूहबाट कृषितर्फका सहसचिवहरु सञ्जीवकुमार कर्ण, सबनम शिवाकोटी अर्याल र राजेन्द्रप्रसाद मिश्रको नाम सिफारिस गरेको हो ।

उनीहरुमध्येबाट एक जनालाई मन्त्रिपरिषद् बैठकले सचिवमा बढुवा गर्नेछ । कर्ण र शिवाकोटी यसअघि पनि सचिवका लागि सिफारिस भइसकेका सहसचिव हुन् ।

यसअघिका कृषि विकास सचिव रेवतीरमण पौडेल अवकाशमा गएसँगै नयाँ सचिव नियुक्त गर्न लागिएको हो ।

सेवा निवृत्त पौडेलको अवकाश हुनुभन्दा ८ दिनअघि पशुपन्छी विकास सचिवबाट कृषि विकास सचिवका रुपमा सरुवा भएको थियो ।