आईएमई लाइफले बोलायो साधारणसभा, २५ प्रतिशत बोनस सेयर पारित हुने

४ जेठ, काठमाडौं । आईएमई लाइफ इन्स्योरेन्सले सेयरधनीका लागि बोनस सेयर दिने प्रस्ताव पारित गर्न जेठ २८ गतेका लागि साधारणसभा आह्वान गरेको छ । साधारणसभाले यसअघि सञ्चालक समितिले प्रस्ताव गरेको २५ प्रतिशत बोनस सेयर दिने निर्णय पारित गर्नेछ ।

२५ प्रतिशत बोनस सेयर दिएपछि कम्पनीको चुक्ता पूँजी ५ अर्ब रुपैयाँ पुग्नेछ । सबै जीवन बीमा कम्पनीहरूलाई न्यूनतम चुक्ता पूँजी ५ अर्ब तोकिएको छ ।  हाल यस कम्पनीको चुक्ता पूँजी ४ अर्ब रुपैयाँ छ । त्यस्तै साधारणसभाले कर प्रयोजनका लागि १.३१ प्रतिशत नगद लाभांश दिने निर्णय पनि पारित गर्नेछ ।

वार्षिक साधारणसभाका लागि जेठ १४ गतेका लागि कम्पनीले बुक क्लोजको मिति तय गरेको छ । बुक क्लोजको अघिल्लो दिन १३ गतेसम्म सेयर खरिद वा होल्ड गरेका सेयरधनीले साधारणसभामा भाग लिन र बोनस सेयर पाउने छन् ।