१७ फागुन, विराटनगर । नेकपा एमाले उपाध्यक्ष रामबहादुर थापा बादलले नेपाली कांग्रेस, नेकपा माओवादी केन्द्र, मधेशकेन्द्रित दल कसैले पनि मुलुकको अवस्था बदल्न नसक्ने बताएका छन् ।
एमाले मोरङको १० औं जिल्ला अधिवेशनको प्रमुख अतिथि बनेका बादलले एमाले मात्रै क्रान्तिकारी पार्टी भएको र एमालेको नेतृत्वमा मात्रै मुलुकका तमाम समस्याको समाधान सम्भव हुने बताए ।
‘नेपाली कांग्रेस क्रान्तिकारी पार्टी हो ? उसको इतिहासले देखाउँदैन । नेकपा माओवादी केन्द्र नेपालको अवस्थालाई बदल्ने पार्टी हो ? होइन । उसको नीतिले, विचारले र नेतृत्वले यो कुरालाई पुष्टि गर्दैन,’ बादलले भने, ‘यी सबै पार्टी अस्थिरतावादी, अवसरवादी हुन् । यिनले नेपालको अवस्था बदल्न सक्दैनन् । नेपालमा समाजवाद स्थापना गर्न सक्दैनन् ।’
राजावादी, सामान्तवादी विचार बोक्ने र नयाँ भनेर खुलेका पार्टीले पनि अहिलेको अवस्थालाई बदल्न नसक्ने जिकिर गर्दै उनले एमालेले मात्र क्रान्तिकारी पार्टी भएको बताए ।
‘यिनीहरूले मुलुकको आर्थिक असमानता, गरिबी र समृद्धबीचको खाडल पुर्न सक्छन् ? सक्दैनन्,’ उनले भने, ‘एमालेको नेतृत्वमा मात्र यो सम्भव छ ।’ उनले एमालेलाई निर्णायक राष्ट्रिय शक्ति बनाउनुपर्नेमा जोड दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4