रक्सी छाडेपछि कलेजोलाई रिकभर गर्ने ५ उपाय

रक्सी हाम्रो शरीरमा रगतको माध्यम हुँदै कलेजोमा पुग्छ । मदिरालाई पनि कलेजोले मेटाबोलाइज गर्छ । मेटाबोलाइज भनेको खानेकुरा पचाउने प्रक्रिया हो । मेटाबोलाइज गर्दा त्यसबाट विविध रसायन निस्कन्छ । ती रसायनले कलेजोको कोषलाई मार्ने काम गर्छ ।

कलेजो त्यस्तो अंग हो, जुन खराब भए पनि फेरि पुननिर्मित हुनसक्छ । तर मदिराले  कलेजोको पुननिर्मित हुने क्षमता कमजोर बनाइदिन्छ । एसिडलाई कुनै चीजमा फाल्यो भने जल्दै जान्छ, त्यस्तै मदिराले कलेजोलाई त्यही बनाउँछ । मदिराले कलेजोमा बोसो जमाउने गर्छ । बोसो बढ्दै गएपछि कलेजोमा सिरोसिस रोग लाग्छ ।

यस्ता समस्याबाट बच्न, विज्ञहरूले रक्सी सेवन बन्द गर्न सिफारिस गर्छन् । आफ्नो राम्रो स्वास्थ्यका लागि मदिरा सेवन पूर्णरूपमा त्याग्ने व्यक्तिहरूको संख्या पनि छ । तर पूर्णरुपमा रक्सी छाड्दा पनि कहिलेकाहीँ कलेजो पूर्णरूपमा स्वस्थ हुन समय लाग्छ ।

यस्तो अवस्थामा के गर्न सकिन्छ ? यस्तो अवस्थामा, रक्सी सेवन छोडेपछि कलेजोलाई डिटोक्सिफाइ गर्नु महत्त्वपूर्ण छ ।

रक्सी छोडेपछि कलेजोलाई डिटक्सीफाइ कसरी गर्ने ?

१.पर्याप्त पानी पिउने

रक्सी छोडेपछि शरीरमा केही परिवर्तनहरू हुन सक्छन् ।  कहिलेकाहीँ यी सहज हुन्छन्, तर कहिलेकाहीँ तिनीहरूले असुविधा पनि निम्त्याउँन सक्छन् । हरेक परिस्थितिमा, आफ्नो शरीरलाई पूर्णरूपमा हाइड्रेटेड राख्नु महत्त्वपूर्ण हुन्छ । हाइड्रेटेड रहँदा शरीरमा रहेका विषाक्त पदार्थहरू बाहिर निस्कन्छन्, जसका कारण कलेजो पनि डिटोक्सिफाइ हुन्छ।

यो पनि पढ्नुहोस

‘कलेजोमा बोसो जम्यो, अब के गर्ने ?’

विषाक्त पदार्थहरू हटाउनाले कलेजोलाई सुचारु रूपमा काम गर्न अनुमति दिन्छ । पर्याप्त पानी पिउँदा यसले बोसो तोड्न मद्दत गर्दछ, जसले गर्दा शरीरबाट विषाक्त पदार्थहरू सजिलै बाहिर निस्कन सक्छन् । यो अवस्था कलेजोका लागि उपयोगी साबित हुन्छ ।

२. राम्रो आहार

कलेजोलाई स्वस्थ राख्नका लागि, आहार पनि स्वस्थ्य हुनु जरुरी हुन्छ । विशेष गरी, कलेजोमैत्री आहार लिनुपर्छ । कलेजोमैत्री आहार भनेको आहारमा मौसमी फलफूल र तरकारीहरू समावेश गर्नु हो ।

यसबाहेक, लसुन पनि कलेजोलाई स्वस्थ राख्न उपयोगी हुन्छ । बेसार, हरियो तरकारी, बदाम र माछा जस्ता खाना खानुपर्छ । साथै आफ्नो आहारबाट प्रशोधित खाना पूर्णरूपमा हटाउनुपर्छ ।  यस्ता कुराहरूले कलेजोमा अतिरिक्त दबाब दिन्छ । रक्सी छाडेपछि स्वस्थ आहार लिनाले पनि कलेजोलाई डिटोक्सिफाइ गर्छ ।

३. व्यायाम

रक्सी छोडेपछि कलेजोलाई डिटोक्स गर्न नियमित रूपमा व्यायाम गर्नु पनि धेरै महत्त्वपूर्ण हुन्छ । नियमित रुपमा व्यायाम गर्दा यसले रक्त प्रवाहलाई सुधार गर्छ र कलेजोलाई रगत राम्रोसँग फिल्टर गर्न अनुमति दिन्छ । साथै व्यायामले कलेजोले बोसो जलाउँछ, जसले गर्दा फ्याटी लिभरको जोखिम कम हुन्छ । कसरतको रूपमा पौडी खेल्ने, साइकल चलाउने, योगा आदि गर्न सकिन्छ ।

४. कलेजो सफा गर्ने पूरक

रक्सी छोडेपछि कलेजो सफा गर्ने पूरकहरू लिन सकिन्छ ।  तर, यस सम्बन्धमा विज्ञसँग परामर्श गर्नुपर्छ । सम्पूर्ण स्वास्थ्य र कलेजोको स्वास्थ्यलाई ध्यानमा राख्दै विज्ञले सही पूरक र तिनीहरूको खुराकको बारेमा सही जानकारी दिन सक्छन् ।

साथै, केही प्राकृतिक पूरकहरू पनि छन् जसले रक्सी छाडेपछि कलेजो सफा गर्न मद्दत गर्न सक्छ । यसबाट कलेजो पूर्णरूपमा डिटोक्सिफाइ हुन्छ । यसमा ग्रिन टि,  अमलाको जुस आदि पर्छन् ।

५. आराम गर्ने

यदि कसैले लामो समयदेखि रक्सी पिइरहेको छ र अचानक रक्सी पिउन छोडेको छ भने, त्यस्ता व्यक्तिहरूका लागि पहिलो २४ घण्टा बिताउन धेरै गाह्रो हुन्छ । उनीहरूलाई टाउको दुख्ने, चिन्ता र अनिद्रा जस्ता समस्या भइरहन्छन् । यसले केही मानिसहरूको मानसिक स्वास्थ्यलाई पनि असर गर्छ । त्यसैले, रक्सी छोडेपछि केही दिन पर्याप्त आराम गर्नुपर्छ ।

यसले स्वास्थ्यमा सुधार ल्याउँछ र कलेजोको डिटोक्सिफाइमा पनि मद्दत गर्छ ।  जब प्रर्याप्त आराम गरिन्छ विषाक्त पदार्थहरू हटाउने प्रक्रियाले राम्रोसँग काम गर्छ, नयाँ कलेजो कोषहरूको उत्पादन बढ्छ र इन्जाइम र हर्मोनको स्तरमा पनि सुधार हुन्छ ।

यो पनि पढ्नुहोस

कलेजो रोगबाट कसरी बच्ने ?