२५ वैशाख, काठमाडौं । नेकपा माओवादी केन्द्रका सांसद माधव सापकोटाले कोटा प्रणाली मार्फत किसानलाई मल वितरण गर्ने कार्य व्यावहारिक र सहज नभएको बताएका छन् ।
प्रतिनिधिसभाको बिहीबारको बैठकमा सांसद सापकोटाले यस्तो बताएका हुन् ।
उनले भने, ‘हरेक वर्ष जब मुख्य बाली धान रोप्ने तयारी हुन्छ किसानले समयमा पर्याप्त मल पाउँदैनन् । कोटा प्रणाली मार्फत मल वितरण हुन्छ । तर त्यो व्यावहारिक र सहज छैन । किसानले ५० किलो मल माग गर्दा मुस्किलले ५ किलो मात्रै पाउँछन् ।’
उनले अगाडि भने, ‘सरकारको नीति तथा कार्यक्रमको बुँदा नम्बर १६ मा ज्यादै लोकप्रिय प्रकारको कार्यक्रम अगाडि सारिएको छ । तर हामी किसानका जाँदा किसानले यो सरकार किसानमैत्री भएन भनेर गुनासो गर्नुहुन्छ ।’
मुख्य बाली धानको तयारी हुँदै गर्दा पर्याप्त मात्रामा मलको उपलब्धता गराउन उनले सरकारसँग आग्रह गरे ।
छ महिनादेखि किसानले बेचेको दुधको पैसा डीडीसीले भुक्तानी नगरेको भन्दै त्यस तर्फ पनि सरकारको ध्यान जानुपर्ने उनको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4