रुकुम पश्चिम जिप दुर्घटना अपडेट : मृत्यु हुनेको संख्या २ पुग्यो

News Summary

Generated by OK AI. Editorially reviewed.

रुकुम पश्चिमको सानीभेरी गाउँपालिका–१० अमलाटाकुरीमा जिप दुर्घटना हुँदा मृत्यु हुनेको संख्या दुई पुगेको छ ।
दुर्घटनामा जिप चालक र अन्य दुई जना घाइते भएका छन्, उनीहरूको चौरजहारी नगर अस्पतालमा उपचार भइरहेको छ ।
ब्रेक फेल भएर जिप दुर्घटनामा परेको जनाइएको छ ।

२९ वैशाख, काठमाडौं । रुकुम पश्चिमको सानीभेरी गाउँपालिका–१० अमलाटाकुरीस्थित सिम्लीदेखि तिमिले जोड्ने भित्री सडक खण्डमा जिप दुर्घटना हुँदा मृत्यु हुनेको संखया दुई पुगेको छ ।

सोमबार दिउँसो लुप्र ०२–००१ च ०१७७ नम्बरको निजी जिप ब्रेक फेल भई दुर्घटना हुँदा सानीभेरी गाउँपालिका–१० का ५० वर्षीय नरबहादुर ओलीको मृत्यु भएको थियो ।

अहिले फेरि अर्का घाइते सोही ठाउँकी ४४ वर्षीया लिला ओलीको मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकले जानकारी दिए । उनीहरू एकै घरका व्यक्ति रहेको प्रहरीको भनाइ छ ।

उनका अनुसार घाइते हुनेमा जिप चालक दाङ तुल्सीपुर उपमहानगरपालिका–७ का ४४ लिलमणि भण्डारी र ५० वर्षीया दुर्गा ओली घाइते भएका छन् ।

उनीहरूको चौरजहारी नगर अस्पतालमा उपचार भइरहेको पाठकले बताए ।