News Summary
Generated by OK AI. Editorially reviewed.- पूर्वपश्चिम राजमार्ग नवलपरासीको चोरमारास्थित गिरिबारी पुल भासिएर पूर्णरूपमा अवरुद्ध भएको छ।
- प्रहरीले जानकारी दिए अनुसार, पुल भासिएपछि राजमार्गमा यातायात सञ्चालन बन्द भएको छ।
- यसले यातायात सेवा प्रभावित भएको र आवश्यक मर्मतको काम सुरु हुने अपेक्षा गरिएको छ।
२९ वैशाख, काठमाडौं । पूर्वी नवलपरासीको चोरमारास्थित गिरूबारी पुल भासिएपछि पूर्वपश्चिम राजमार्ग अवरुद्ध भएको छ । प्रहरी निरीक्षक (इन्स्पेक्टर) सुदीप भण्डारीले पुल भासिएपछि अहिले राजमार्ग पूर्ण रुपमा अवरुद्ध भएको बताए ।
एउटा भारतीय ट्रकले पार गर्ने क्रममा पुल दबेको थियो । प्रत्यक्षदर्शीका अनुसार पुलमा क्र्याक देखिएको छ ।
त्यसपछि दुवैतर्फका सवारी साधन रोकिएको हो । ‘पुल थोरै लच्किएको छ । सडक डिभिजनलाई पनि खबर गरिएको छ,’ प्रहरी निरीक्षक भण्डारीले भने, ‘अहिले स्थलगत अनुगमन भइरहेको छ । तत्काल दुईतर्फ नै सवारी रोकिएको छ ।’
१८ चक्के ट्रकले गाडी पार गर्न खोज्दा पुल भासिएको उनले बताए ।
यसअघि २०८१ सालको पुस महिनामा पूर्वीनवलपरासीकै विनयी खोला पुल भाँचिएको थियो ।
त्यतिबेला पुल भाँचिनुमा ओभरलोड ट्रक जिम्मेवार भएको भन्दै स्थानीय व्यवसायीले त्यस्ता गाडीको नियमन र नियन्त्रणको माग राखेका थिए । तर सो माग सुनुवाइ हुन सकेको छैन ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4