५८ दिनदेखि आन्दोलनमा पिछडा वर्ग महासंघ, राज्यले वास्तै नगरेको गुनासो

News Summary

Generated by OK AI. Editorially reviewed.

जनमत पार्टीका उपाध्यक्ष अब्दुल खानले सरकारले पिछडा वर्ग महासंघको मागलाई ध्यान नदिएको बताएका छन्।
पिछडा वर्ग महासंघ ५८ दिनदेखि आन्दोलनमा रहेको र यसको मागमा ओबीसी आयोग गठन, आरक्षण र कर्मचारी नियुक्ति समावेश छन्।
उपाध्यक्ष खानले सरकारलाई माग पूरा गर्न ध्यान दिन आग्रह गरेका छन्।

३० वैशाख, काठमाडौं । जनमत पार्टीका उपाध्यक्ष अब्दुल खानले सरकारले पिछडा वर्ग महासंघ (ओबीसी)को आन्दोलन र मागलाई वास्ता नगरेको गुनासो गरेका छन् ।

उनका अनुसार नेपाल पिछडा वर्ग महासंघ ५८ दिनदेखि निरन्तर आन्दोलनमा छ । तर, उनीहरूको मागलाई सरकारले वास्त‍ा गरेको छैन् ।

मंगलबार प्रतिनिधि सभाको बैठकमा विशेष समयमा बोल्दै उनले यस्तो बताएका हुन् । पिछडा वर्ग महासंघ १९ फागुन २०८१ देखि आन्दोलनमा छ । ‘५८ दिनदेखि आन्दोलन, धर्ना, प्रदर्शन विभिन्न ठाउँमा गर्दा पनि राज्यले हेरेको छैन’, उनले भने ।

सांसद खानका अनुसार पिछडा वर्गले ओबीसी आयोग गठन, ओबीसीलाई आरक्षण र कर्मचारी नियुक्ति सहितका माग राखेका छन् । यो विषयमा ध्यान दिन सरकारलाई उनको आग्रह छ ।