नाउपा सुदूरपश्चिम : मन्त्रीको नाम टुंग्याउने अधिकार संसदीय दललाई दिन माग

News Summary

Generated by OK AI. Editorially reviewed.

नागरिक उन्मुक्ति पार्टीको सुदूरपश्चिम प्रदेश संसदीय दलले मन्त्रीको नाम टुंग्याउने अधिकार केन्द्रीय कमिटीलाई दिन माग गरेको छ।
पार्टीले उद्योग, पर्यटन, वन तथा वातावरण मन्त्रालयको मन्त्री चयन गर्न सुझाव माग गरेको छ, यदि एक हप्तामा निर्णय नआए प्रदेश संसदीय दलले निर्णय गर्नेछ ।
लक्ष्मणकिशोर चौधरीले अडियो विवादपछि उनी मन्त्रीबाट राजीनामा दिएका थिए, अहिले उक्त मन्त्रालय मुख्यमन्त्रीले नै सम्हालिरहेका छन् ।

३० वैशाख, धनगढी । नागरिक उन्मुक्ति पार्टी (नाउपा) को सुदूरपश्चिम प्रदेश संसदीय दलले मन्त्रीको नाम टुंग्याउने अधिकार दिन केन्द्रीय कमिटीसँग माग गरेको छ ।

मंगलबार बसेको प्रदेश संसदीय दलको बैठकले मन्त्रीको नाम टुंग्याउने विषयमा संसदीय दललाई अधिकार प्रत्योजन गर्न पाउनु पर्ने निर्णय गरेको हो ।

नाउपा संसदीय दलका नेता घनश्याम चौधरीले प्रदेश सरकार र मन्त्रीबारे निर्णय गर्ने अधिकार प्रत्योजन गर्न केन्द्रीय समितिसँग माग गर्ने निर्णय गरिएको जानकारी दिए ।

उनकाअनुसार नाउपाको भागमा रहेको उद्योग पर्यटन वन तथा वातावरण मन्त्रालयमा कसलाई मन्त्रीका रूपमा पठाउने भन्ने निर्णय गर्न सुझाव समेत माग गरिएको छ ।

पार्टी केन्द्रले एक हप्ताभित्र अधिकार प्रत्योजन गरेर टुंगो नलगाएको अवस्थामा भने प्रदेश संसदीय दलले टुंगो लगाउने दल नेता चौधरीले बताए ।

नागरिक उन्मुक्ति पार्टीबाट उद्योग, पर्यटन, वन तथा वातावरण मन्त्री रहेका लक्ष्मणकिशोर चौधरी आर्थिक लेनदेन सम्बन्धी अडियो सार्वजनिक भएपछि विवादमा परेका थिए ।

चौधरीले १६ चैतमा नैतिकताका आधारमा भन्दै पदबाट राजीनामा दिएका थिए ।

त्यसयता उक्त मन्त्रालय मन्त्रीविहीन रहेको छ । अहिले उक्त मन्त्रालय मुख्यमन्त्री कमलबहादुर शाह आफैंले सम्हालिरहेका छन् ।