आमिर खान स्टारर ‘सितारे जमीन पर’को मर्मस्पर्शी ट्रेलर सार्वजनिक

News Summary

Generated by OK AI. Editorially reviewed.

आमिर खानको नयाँ फिल्म ‘सितारे जमीन पर’ को ट्रेलर सार्वजनिक भएको छ, जसले दर्शकलाई हाँस्य र भावना दुवै प्रदान गर्दछ।
फिल्म ‘च्याम्पियन्स’ को रिमेक हो र यसमा अपाङ्गता भएका बालबालिकालाई मुख्य भूमिका दिइएको छ, जसले समावेशीता प्रवर्द्धन गर्दछ।
आमिर खानले लामो समयपछि २०२५ मा नयाँ फिल्म लिएर फर्कदैछन् र यसपछि उनी एक्सन फिल्ममा पनि काम गर्ने योजना बनाएका छन्।

मुम्बई । आमिर खानको फिल्म ‘सितारे जमीन पर’को ट्रेलर सार्वजनिक भएको छ । ट्रेलर रमाइलो, मर्मस्पर्शी र सन्देशमूलक छ । आमिर आफ्नो उत्कृष्ट अभिनयले फेरि एक पटक दर्शकको मन जित्न तयार छन् ।

फिल्ममा बास्केटबल प्रशिक्षक आमिर र अपांगता भएका बालबालिकाको टोलीको कथा छ । ट्रेलरका धेरै दृश्यले दर्शकलाई एकैसाथ हाँस्य र भावना प्रवाह गरेका छन् ।

आरएस प्रसन्नद्वारा निर्देशित यो फिल्म सन् २०१८ मा रिलिज भएको स्पेनी फिल्म ‘च्याम्पियन्स’को रिमेक हो । फिल्ममा आमिर र जेनेलिया डिसुजा मुख्य भूमिकामा छन् भने यसमा १५० जना अपांगता भएका बालबालिकाले अभिनय गरेका छन् ।

छायांकन फेब्रुअरी २०२४ मा सुरु भएको थियो । अन्तिम गीत अप्रिलमा छायांकन गरिएको थियो । फिल्म बनाउन धेरै समय लाग्यो, किनभने छायांकन सकिएपछि, पहिलो सम्पादन पूरा हुँदा, धेरै दृश्य परिवर्तन गरिए । सम्पादन टेबलमा आमिर आफैं उपस्थित थिए ।

‘च्याम्पियन्स’को यो आधिकारिक रिमेकको कथा दिव्यानिधि शर्माले लेखेकी हुन् । विशेष कुरा के छ भने यसमा अपाङ्गता भएका बालबालिकालाई कास्ट गरिएको छ । यसका लागि आमिर र निर्माताले देशभर अडिसन लिएका थिए । फिल्मको लागि छनोट भएका बालबालिकालाई बास्केटबल प्रशिक्षण दिइएको छ ।

सन् २०२२ मा ‘लालसिंह चङ्ढा’ बक्स अफिसमा असफल भएपछि आमिरले कामबाट ब्रेक लिएका थिए । तीन वर्षको लामो प्रतीक्षा पछि, उनी जुन २०, २०२५ मा ’सितार जमीन पर’ लिएर फर्कदैछन् । यो फिल्म रिलिज भएपछि आमिरको अर्को प्रोजेक्ट एक्सन फिल्म हुने पनि बताइएको छ ।