स्वास्थ्य सेवा विभाग कर्मचारीले अधिंकाश कार्यक्रमको बजेट पेस्कीमै सक्छन्

News Summary

Generated by OK AI. Editorially reviewed.

स्वास्थ्य सेवा विभागले कर्मचारीको पेस्कीमार्फत कार्यक्रम खर्च गरेको तथ्य सार्वजनिक भएको छ।
विभागले आफ्नै कार्यालय नभएको भए पनि तालिम, गोष्ठी र सेमिनार जस्ता कार्यक्रम सञ्चालन गरेको देखिन्छ।

३१ वैशाख, काठमाडौं । स्वास्थ्य सेवा विभागले आर्थिक वर्ष २०८०–८१ मा कार्यक्रम खर्च शीर्षक अन्तर्गत अधिकांश रकम कर्मचारीले पेस्की लिएर खर्च गरेको तथ्य सार्वजनिक भएको छ ।

विभागले कूल बजेट ८ अर्ब ४५ करोड ६१ लाख ६ हजारमध्ये २५० क्रियाकलापमा २८ करोड ७१ लाख खर्च गरेको जनाएको छ ।

विशेषगरी तालिम, गोष्ठी र सेमिनार जस्ता कार्यक्रममा अधिंकाश रकम कर्मचारीले पेस्की लिई खर्च गरेको महालेखापरीक्षकको प्रतिवेदनले औंल्याएको छ ।

विभाग मातहत कुनै कार्यालय नै नरहेको अवस्थामा पनि विभाग आफैंले यस्ता कार्यक्रम सञ्चालन गरेको देखिन्छ ।

यस्ता कार्यक्रमहरू संघीय तथा प्रदेश तालिम केन्द्र, प्रदेश र स्थानीय तहमा हस्तान्तरण गर्नुपर्नेमा विभागले आफैं सञ्चालन गरेर स्रोतको समुचित प्रयोगमा प्रश्न उठेको छ । पेस्की लिने र खर्च गर्ने यस प्रवृत्तिमा पुनरावलोकन गर्नुपर्ने प्रतिवेदनले औंल्याएको छ ।