News Summary
Generated by OK AI. Editorially reviewed.- विद्युत प्राधिकरणले प्रणालीमा देखिएको प्राविधिक समस्याका कारण बारम्बार विद्युत अवरुद्ध भएको जनाएको छ।
- नेपाल र भारतबीचको ४०० केभी ढल्केबर मुजफरपुर लाइनमा समस्या आएपछि विद्युत आपूर्ति प्रभावित भएको हो।
- प्राधिकरणका कार्यकारी निर्देशक हितेन्द्रदेव शाक्यले समस्या समाधानका लागि निर्देशन दिएका छन् र लोडसेडिङ नहुने बताएका छन्।
१ वैशाख, काठमाडौं । विद्युत् वितरण प्रसारणमा समस्या देखिएपछि विद्युत् प्राधिकरणका कार्यकारी निर्देशक हितेन्द्रदेव शाक्यले प्रणाली सञ्चालन विभाग स्यूचाटारको निरीक्षण गरेका छन् ।
प्रणालीमा समस्या देखिएपछि कार्यकारी निर्देशक शाक्यले आकस्मिक अवलोकन गरेका हुन् ।
विभागमा प्रत्यक्ष रूपमा बसेर उनले ढल्केबर ग्रीड महाशाखाका प्रमुख बिनोद लोहनीलाई निर्देशन दिई समस्या समाधानका लागि अग्रसरता लिएका छन् ।
भारतबाट नेपालमा हाल बिजुली आयात भइरहेको ४०० केभी ढल्केबर मुजफ्फरपुर लाइनमा भारततर्फ आएको समस्याले गर्दा पटक-पटक विद्युत् अवरुद्ध भइरहेको छ ।
‘विशुद्ध प्राविधिक समस्याको कारण विद्युत् प्रसारण पटक-पटक अवरुद्ध भएको प्राधिकरणले जनाएको छ । ‘यो विशुद्ध प्राविधिक समस्या हो । त्यसैले यसलाई लोडसेडिङसँग जोड्नु गलत छ’ उनले भने ।
आजै तीनपटकसम्म प्रसारण अवरुद्ध भएको छ । पहिलो पटक साँझ साढे ६ बजेतिर अवरुद्ध भएको बिजुली करिब एक घण्टापछि आएको थियो ।
करिब ८ बजे पुनः आएको बिजुली १५ मिनेटपछि पुनः अवरुद्ध भएको छ । यसबाट काठमाडौं सहित देशका अधिकांशको जनजीवन प्रभावित बनेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4