भारतीय मिडियामा आफ्नो फोटो आएपछि दीपाश्री : दुरुपयोग गरियो

News Summary

Generated by OK AI. Editorially reviewed.

भारतीय मिडियाले नेपाली मोडल अञ्जना लामाको मृत्युसँग सम्बन्धित समाचारलाई फरक तरिकाले कभर गरिरहेको छ।
नेपाली कलाकार दीपाश्री निरौलाले आफ्नो तस्वीर गलत तरिकाले प्रयोग भएको भन्दै भ्रम फैलिएको स्पष्ट पारेकी छन्।
दीपाश्रीले उक्त फोटोलाई भारतीय मिडियाले दुरुपयोग गरेको र आफ्नो कुनै सम्बन्ध नभएको बताइन्।

काठमाडौं । अहिले केही भारतीय मिडियामा केही वर्षअघि भारतमा हत्या गरिएको भनिएकी नेपाली मोडल अञ्जना लामाबारेको समाचार आइरहेको छ । केही भारतीय मिडियाले यो घटनाबारे आफ्नै तरिकाले समाचार कभरेज गरिरहेका छन् ।

दैनिक भाष्करले अन्जना मृत भेटिएको केही वर्षअघिको उक्त घटनाबारे लेखेको छ । यो समाचारले भने नेपाली कलाकार दीपाश्री निरौलालाई हैरानी दिएको छ । उक्त न्यूजभित्र दीपाश्रीको एक तस्वीर प्रयोग भएको छ जहाँ उनलाई अञ्जनाकी जेठानीको रुपमा एक पुरुषसँग देखाइएको छ ।

यो फोटोको प्रमाणिकताबारे अनलाइनखबरले दीपाश्रीसँग सोधेको थियो । जवाफमा उनले यो तस्वीरलाई गलतरुपमा प्रयोग गरेर भ्रम फैलाइएको बताइन् । ‘यो फोटोलाई गलतरुपमा प्रयोग गरिएको छ । यससँग मेरो लेनादेना छैन’ उनले भनिन्, ‘यो भ्रममा नपर्न म आग्रह गर्छु ।’

दीपाश्री निकट अभिनेता तथा निर्माता दीपकराज गिरीले ‘छक्कापञ्जा ३’को प्रचारप्रसारको समयमा फ्यानसँग उक्त फोटो खिचिएको र त्यसलाई भारतीय मिडियाले दुरुपयोग गरेको बताए ।