बाबुराव अर्थात परेश रावलले छाडे ‘हेराफेरी ३’, कारण यस्तो

परेश रावल (बीचमा) ।

News Summary

Generated by OK AI. Editorially reviewed.

परेश रावलले सामाजिक संजालमार्फत बताएका छन् कि उनी ‘हेराफेरी ३’ मा नहुने निर्णय रचनात्मक भिन्नताका कारण होइन।
फ्यानहरूले अभिनेता रावलको अनुपस्थितिमा फिल्म नदेख्ने र फिल्म अधूरो हुने प्रतिक्रिया दिएका छन्।
निर्देशक प्रियदर्शनले ‘हेराफेरी ३’ को घोषणा गरेपछि यस फ्रान्चाइजीको तेस्रो भागमा अक्षय कुमार र परेश रावलको सहभागिता महत्वपूर्ण रहेको चर्चा छ।

काठमाडौं । बलिउड फिल्म ‘हेराफेरी’मा राजु, घनश्याम र बाबुरावको त्रिकुट जोडीलाई निकै रुचाइयो । दर्शकले यो फ्रेन्चाइजीको तेस्रो श्रृंखलालाई उत्सुकतापूर्वक प्रतीक्षा गरिरहेका थिए । तर, यसबीच नयाँ खबर छ ।

फिल्ममा बाबुराव पात्रको भूमिका निर्वाह गर्ने अभिनेता परेश रावल तेस्रो श्रृंखलामा हिस्सा नहुने भएका छन् । उनले सामाजिक संजाल एक्समार्फत यसको पुष्टि गरेका छन् ।

उनी लेख्छन्, ‘म यो रेकर्डमा राख्न चाहन्छु कि हेरा फेरी ३ बाट बाहिरिने मेरो निर्णय रचनात्मक भिन्नताका कारणले भएको थिएन । म दोहोर्‍याउँछु कि फिल्म निर्मातासँग कुनै रचनात्मक भिन्नता छैन । मलाई फिल्म निर्देशक प्रियदर्शनप्रति माया, सम्मान र विश्वास छ ।’

अभिनेता रावलको यो निर्णयबाट फ्यान दुखित भएका छन् । उनको पोस्टमा सबैले आ-आफ्नो प्रतिक्रिया दिइरहेका छन् । एक प्रयोगकर्ताले लेखे, ‘तिमी बिना हेराफेरी हुँदैन ।’ अर्का फ्यानले त आफू फिल्मको हिस्सा नभएको खण्डमा फिल्म नहेर्ने पनि बताए । एक फ्यानले लेखे, ‘सर, तपाईं बिना यो फिल्म अधुरो हुनेछ ।’

यसअघि सुनिल शेट्टीले भनेका थिए कि यदि बाबु भैया (परेश रावल) र राजु (अक्षय कुमार) ’हेरा फेरी ३’ मा छैनन् भने श्याम (सुनील शेट्टी) को पनि कुनै अस्तित्व छैन । उनले यो पनि भनोक थिए कि, यदि ती मध्ये एउटा पनि हटाइयो भने पनि फिल्म चल्दैन ।

यसवर्ष सन् २०२५ को सुरुमा निर्देशक प्रियदर्शनले ‘हेरा फेरी ३’ को घोषणा गरेका थिए । परेश रावलभन्दा पहिले अक्षय कुमार पनि यस फिल्मको हिस्सा थिएनन्, तर त्यसपछि उनी यस फ्रान्चाइजीको तेस्रो भागमा फर्किए ।