अस्ट्रेलियामा अध्ययनरत नेपाली विद्यार्थीले पाउने छात्रवृत्तिबारे छलफल

News Summary

Generated by OK AI. Editorially reviewed.

अस्ट्रेलियामा अध्ययनरत नेपाली विद्यार्थीलाई छात्रवृत्ति सम्बन्धी जानकारी दिन वेबिनार आयोजना भयो।
सांसद डा. स्वर्णिम वाग्ले, मानार्थ महावाणिज्यदूत संजीवकुमार शर्मा लगायतले आ-आफ्नो धारणा राखेका थिए ।
कार्यक्रममा ३० भन्दा बढी नेपाली विद्यार्थीले सक्रिय सहभागिता जनाए।

काठमाडौं । अस्ट्रेलियामा अध्ययनरत नेपाली विद्यार्थीले पाउने छात्रवृत्ति लगायतका बारेमा विविध छलफल भएको छ ।

‘पूर्ण छात्रवृत्तिबारे विशेष शैक्षिक वेबिनार’ नाम दिइएको छलफलमा अस्ट्रेलियामा पाउने पूर्ण छात्रवृत्तिबारे गहन, व्यावहारिक र मार्गदर्शकबारे सहभागीहरूले आ-आफ्नो धारणा राखेका थिए ।

जुममार्फत मंगलबार आयोजित छलफलमा राष्ट्रिय स्वतन्त्र पार्टी (रास्वपा) का सांसद डा. स्वर्णिम वाग्लेले अस्ट्रेलियामा अध्ययन गर्दा पाएको छात्रवृत्ति अनुभव लगायतबारे आफ्नो अनुभव सेयर गरेका थिए । उनी अस्ट्रेलियन नेशनल युनिभर्सिटीका पूर्वविद्यार्थी समेत हुन् ।

कार्यक्रममा नेपाल सरकारका मानार्थ महावाणिज्यदूत संजीवकुमार शर्माले नेपाली विद्यार्थीका लागि आवश्यक पर्ने सहयोग गर्ने प्रतिबद्धता जनाए ।

यसैगरी युनिभर्सिटी अफ टेक्नोलोजी सिड्नीका पूर्व विद्यार्थी एवं प्रवास नेपाल सम्पर्क विभाग अस्ट्रेलियाका अध्यक्ष डा. कृष्ण पौडेलले नेपाली विद्यार्थीलाई दीर्घकालीन लाभ पुऱ्याउने कार्यमा सघाउन आफूहरू तयार रहेको बताए ।

अस्ट्रेलियामा उच्च अध्ययनको सपना बोकेर आएका नेपाली विद्यार्थीलाई छात्रवृत्ति सम्बन्धी आवश्यक जानकारी, प्रेरणा र प्रत्यक्ष मार्गदर्शन प्रदान गर्ने उद्देश्यले कार्यक्रम आयोजना गरिएको उनले बताए ।

प्रवास नेपाली सम्पर्क विभाग अस्ट्रेलियाले आयोजना गरेको कार्यक्रममा विभिन्न देश तथा महादेशबाट ३० भन्दा बढी नेपाली विद्यार्थीको सक्रिय सहभागिता रहेको पौडेलले बताए ।