२०८२ जेठ ६ गते १९:२३ 
News Summary
Generated by OK AI. Editorially reviewed.- आईपीएल २०२५ को बाँकी खेलहरूमा वर्षाका कारण खेल स्थगित भए पनि २० ओभर पुरा गर्न २ घण्टा अतिरिक्त समय व्यवस्था गरिएको छ।
- अहिले सम्म तीन खेल वर्षाका कारण रद्द भएका छन् र केही खेल छोट्याएर सम्पन्न भएका छन्, जसमा दुई खेल रद्द र एक खेल छोट्याइएको छ।
- बेंगलुरुको अन्तिम घरेलु खेल अब लखनउमा हुने भएको छ, किनभने भारी वर्षाका कारण बेंगलुरुमा खेल गर्न सकिँदैन।
६ जेठ, काठमाडौं । आईपीएल २०२५ को बाँकी लिग खेलहरूमा वर्षा हुँदा पनि पुरा २० ओभरको खेल खेलाउने उद्देश्यले प्रत्येक खेलमा २ घण्टा अतिरिक्त समयको व्यवस्था गरिने भएको छ ।
सामान्यतया यस्तो अतिरिक्त समय प्लेअफका लागि मात्रै राखिँदै आएकोमा यसपटकको लिग एक हप्ता स्थगित भएपछि र भारतमा मनसुन सुरु भएकाले बाँकी ९ खेलमा यो व्यवस्था लागू गरिएको हो।
८ वटा खेल बेलुका हुने छन् भने गुजरात टाइटन्स र चेन्नई सुपर किंग्सबीचको खेल मात्र दिउँसो मे २५ मा खेलिनेछ। अब दिउँसोको खेल बेलुका ५:४५ बजेसम्म सुरु भए पनि पुरा खेल गर्न सकिनेछ भने बेलुकाको खेल राति ९:४५ बजेसम्म भएपनि ओभर नघटाइ सुरु गर्न मिल्नेछ।
अहिलेसम्म तीन खेल वर्षाका कारण रद्द भएका छन्, जसमा दुबै टोलीले एक-एक अंक बाँडेका छन्। दुई खेल छोट्याएर सम्पन्न भएका छन्।
कोलकातामा भएको पञ्जाब र कोलकाता बीचको खेल पहिलोपटक वर्षाका कारण रद्द भयो। त्यसपछि हैदराबाद र दिल्लीबीचको खेल हैदराबादमा रद्द भयो।
लिग पुनः सुरु भएपछि भएको बेंगलुरु र कोलकाताको खेल पनि वर्षाले प्रभावित भयो र खेल सुरु नै हुन सकेन।
त्यसैगरी, बेंगलुरुमा भारी वर्षाको पूर्वानुमानका कारण बेंगलुरुको मे २३ मा हुने अन्तिम घरेलु खेल अब लखनउमा हुने भएको छ।
प्रतिक्रिया 4