कान्समा नेपालका छायांकन गन्तव्यको प्रवर्धन गर्दै प्रदीप (तस्वीर)

News Summary

Generated by OK AI. Editorially reviewed.

कान्स फिल्म फेस्टिभलमा नेपाली फिल्म ‘एक्लो’ समावेश भएको छ।
अभिनेता प्रदीप खड्काले नेपालका छायांकन गन्तव्य प्रचार गर्दैछन्।
फिल्मको प्रवर्धन र नेपालको प्रवर्धनका लागि विभिन्न अन्तर्राष्ट्रिय गतिविधिहरू सञ्चालन भएका छन्।

काठमाडौं । यतिबेला फ्रान्समा विश्वप्रसिद्ध कान्स फिल्म फेस्टिभल जारी छ । यसवर्षको कान्स मार्केटमा नेपालबाट फिल्म ‘एक्लो’ समावेश छ । यो फिल्मका निर्माताले फेस्टिभलमा सहभागी अन्तर्राष्ट्रिय निर्माता, वितरक र सेल्स एजेन्टलाई फिल्मबारे जानकारी दिइरहेका छन् ।

अभिनेता प्रदीप खड्का पनि यतिबेला निर्देशक प्रदीप शाहीसँगै फेस्टिभलमा छन् । यो फिल्मको प्रवर्धन मात्र होइन, अभिनेता खड्काले नेपालका छायांकन गन्तव्यको समेत कान्समा प्रचारप्रसार गर्दैछन् ।

फ्रान्सेली अभिनेत्री मारिएन बोर्गो, अबुधाबी र नर्वेका फेस्टिभल निर्देशकहरूलाई भेटेर उनले चलचित्र विकास बोर्डले तयार पारेको लोकेसन सम्बन्धी ब्रोसर बाँडेका छन् । भारत प्याभेलियनसहितका अन्तर्राष्ट्रिय बुथमा पुगेर उनले नेपाल छायांकनको लागि उत्कृष्ट गन्तब्यको रहेको बताउँदै चिनाइरहेका छन् ।

साथै, ‘एक्लो’को च्याप्टर १ लाई अन्तर्राष्ट्रिय वितरक र प्रदर्शकमाझ पनि प्रवर्धन गरेको प्राप्त तस्वीरमा देख्न सकिन्छ । ढोरपाटनमा छायांकन भैरहेको ‘ऐरी’को छायांकनबाट निस्किएका प्रदीप अहिले कान्समा पुगेका हुन् ।

प्रदीपले नेपाली समयानुसार सोमबार बिहान कान्समा एक फ्रेन्च फिल्मको प्रिमियरमा भाग लिएका थिए । पहिलोपटक नेपालको राष्ट्रिय झण्डा र स्टल राख्दै ‘एक्लो’ले कान्स मार्केटमा नेपालको प्रवर्धन गरिरहेको छ ।