भोलि उपस्थित हुनेगरी अख्तियारबाट छुटे सहसचिव भट्टराई

News Summary

Generated by OK AI. Editorially reviewed.

अख्तियार दुरुपयोग अनुसन्धान आयोगले गृह मन्त्रालयका सहसचिव तीर्थराज भट्टराईलाई नियन्त्रणमा लिएको थियो।
उनलाई भोलि कार्यालय समयमा उपस्थित हुने शर्तमा छाडिएको छ।
उनको मोबाइल भने अख्तियारले आफ्नै नियन्त्रणमा राखेको छ।

७ जेठ, काठमाडौं । गृह मन्त्रालयका सहसचिव तीर्थराज भट्टराईलाई भोलि उपस्थित हुनेगरी छाडिएको छ ।

अख्तियार दुरुपयोग अनुसन्धान आयोगले भट्टराईलाई बुधबार दिउँसो नियन्त्रणमा लिएको थियो । अख्तियार स्रोतका अनुसार, उनलाई भोलि कार्यालय समयमा उपस्थित हुने शर्तमा बुधबार छाडिएको हो ।

उनको साथबाट बरामद भएको फोन एवं ग्याजेटहरू प्राविधिक परिक्षणका लागि अख्तियारले नियन्त्रणमा लिएको हो ।

मानव तस्करी गरेको र त्यसबापत सेवाग्राहीसँग घुस लिएको आरोपमा उजुरी परेपछि अख्तियारले त्रिवी अध्यागमन कार्यालयका प्रमुख भट्टराईलाई नियन्त्रणमा लिएको थियो ।

काठमाडौंबाट पक्राउ परेका भट्टराईलाई लगत्तै टंगालस्थित अख्तियार दुरुपयोग अनुसन्धान आयोगको कार्यालयमा लगिएको थियो ।

अन्तर्राष्ट्रिय विमानस्थलमार्फत सेटिङ मिलाउँदै भिजिट भिसामा विभिन्न व्यक्तिहरूलाई विदेश पठाउने काममा उनी संलग्न रहेको पाएपछि अख्तियारले पक्राउ गरेको थियो ।

फर्जी कागजातका आधारमा पठाउने कार्यमा उनको पनि संलग्नता रहेको अख्तियार निकट स्रोतले बताएको छ ।