एरिक भ्यालीसँग सहकार्यको सम्भावनाबारे विपिन : ढोका खुला छ

News Summary

Generated by OK AI. Editorially reviewed.

अभिनेता विपिन कार्कीले ‘ऊनको स्विटर’ फिल्मको सफलतापछि राहत महसुस गरेका छन्।
विपिनले फ्रान्सेली निर्देशक एरिक भ्यालीसँग कफी मिटिङ गरेको बताए।
भविष्यमा सहकार्यको सम्भावना रहेको उनले बताए, निर्देशक भ्यालीले फिचर फिल्मको तयारी गरिरहेका छन्।

काठमाडौं । ‘ऊनको स्विटर’पछि अभिनेता विपिन कार्की राहत महसुस गरिरहेका छन् । यो फिल्मले बक्सअफिसमा राम्रो कमाइ गरेको देखिएको छ । यससँगै विपिनको अभिनयले प्रशंसा बटुलिरहेको छ ।

यसबीच, विहिबार दिउँसो विपिनले एक फोटो सार्वजनिक गरे जसलाई लिएर विभिन्न अड्कलबाजी लगाउन सकिन्छ । अस्कर मनोनित फिल्म ‘क्याराभान (हिमालय)का फ्रान्सेली निर्देशक एरिक भ्यालीसँग विपिनको ‘कफी मिटिङ’ भयो ।

भेटमा फिल्मबारे गफगाफ भएको विपिनले बताए । ‘फिल्मको विषयमा गफगाफ भयो । उहाँले पनि केही फिचर फिल्म बनाउँदै हुनुहुँदो रहेछ । उल्लेखनीय केही भएको होइन । कफी पिएर गरिएको भेटमात्र हो’ विपिनले अनलाइनखबरसँग भने ।

के निकट भविष्यमा सहकार्यको सम्भावना छ ? जवाफमा विपिनले भविष्यमा सहकार्यको ढोका खुला रहेको बताए । विपिनको यो भनाईअनुसार यदि भविष्यमा निर्देशक भ्यालीसँग सहकार्य भयो भने यसलाई स्वभाविक लिए हुन्छ ।

निकट स्रोतका अनुसार निर्देशक भ्याली एक फिचर फिल्मको तयारीमा छन् । कोरोनाको समयमा उनले केही कलाकारसँग भेटेर तयारी पनि गरेका थिए । यद्यपि, त्यसपछि उनको फिचर फिल्मको विकासक्रमबारे बताइएको छैन ।

निर्देशक भ्याली केही दिनअघि नेपाल आएका हुन् ।