दुर्गा प्रसाईंका दुई बडिगार्डविरुद्ध चलेन मुद्दा, भए रिहा

दुर्गा प्रसाईं र उनका बडिगार्ड दीपक खड्का ।

News Summary

Generated by OK AI. Editorially reviewed.

काठमाडौंको तीनकुनेमा भएको हिंसात्मक प्रदर्शनमा संलग्न भएको आरोपमा पक्राउ परेका दुर्गा प्रसाईंका दुई बडिगार्डविरुद्ध मुद्दा नचल्ने निर्णय भएपछि उनीहरू रिहा भएका छन् ।
जिल्ला प्रहरी परिसर काठमाडौंले बडिगार्ड दीपक खड्का र रामकुमार धिमाललाई मुद्दा चलाउन सिफारिस गरे पनि जिल्ला सरकारी वकिलको कार्यालयले प्रमाण नदेखिएको भन्दै मुद्दा नचल्ने निर्णय गरेको हो ।
यस निर्णयसँगै ३४ जनालाई मुद्दा नचल्ने निर्णय गरी उनीहरू आइतबार साँझ हिरासतमुक्त भएका हुन् ।

१३ जेठ, काठमाडौं । काठमाडौंको तीनकुनेमा भएको हिंसात्माक राजावादी प्रदर्शनमा संलग्न भएको आरोपमा पक्राउ परेका दुर्गा प्रसाईंका दुई बडिगार्डविरुद्ध मुद्दा नचल्ने निर्णय भएपछि रिहा भएका छन् ।

जिल्ला प्रहरी परिसर काठमाडौंले प्रसाईंका बडिगार्ड दीपक खड्का र रामकुमार धिमाललाई समेत मुद्दा चलाउन सिफारिस गरेको थियो ।

तर जिल्ला सरकारी वकिलको कार्यालयले भने वस्तुनिष्ठ आधार प्रमाण नदेखिएको भन्दै उनीहरुलाई मुद्दा नचल्ने निर्णय गरेको थियो ।

बडिगार्डद्वयसँगै ३४ जनालाई मुद्दा नचल्ने निर्णय गरिएको थियो । यो निर्णयसँगै उनीहरू आइतबार साँझ हिरासतमुक्त भएका हुन् ।

१५ चैतमा तीनकुनेमा भएको हिंसात्मक प्रदर्शनमा पक्राउ परेकाहरूविरुद्ध अहिले काठमाडौंमा मुद्दा दर्ता भएको छ । प्रतिवादीहरूको बयान चलिरहेको छ ।