अर्थतन्त्रको विस्तार ४.६१ प्रतिशतले हुने अनुमान

News Summary

Generated by OK AI. Editorially reviewed.

अर्थमन्त्री विष्णुप्रसाद पौडेलले चालु आर्थिक वर्ष ४.६१ प्रतिशतले मुलुकको अर्थतन्त्र विस्तार हुने अनुमान व्यक्त गरे।
सर्वेक्षण अनुसार, सबै प्रदेशहरूमा औसतभन्दा बढी आर्थिक वृद्धिदर देखिएको छ, बाहेक मधेश, कोशी र सुदूरपश्चिम।
अर्थमन्त्रीले भने, चालु आर्थिक वर्षमा नेपालको अर्थतन्त्रको आकार ६१ खर्ब सात अर्ब रुपैयाँ पुग्ने अपेक्षा छ।

१५ जेठ, काठमाडौं । चालु आर्थिक वर्ष ४.६१ प्रतिशतले मुलुकको अर्थतन्त्र विस्तार हुने अनुमान सार्वजनिक भएको छ । अर्थमन्त्री विष्णुप्रसाद पौडेलले प्रतिनिधिसभाको बिहीबारको बैठकमा पेश गरेको आर्थिक सर्वेक्षणमा यस्तो उल्लेख छ ।

मुलुकको समग्र आर्थिक, सामाजिक एवम् भौतिक विकास स्थिति समेटिएको आर्थिक सर्वेक्षण प्रतिनिधिसभाको मंगलबारको बैठकमा पेश गर्ने सरकारको तयारी थियो । गृहमन्त्रीको राजीनामा माग्दै विपक्षी दलले अवरोध गरेकाले पेश हुन सकेको थिएन ।

प्रदेशगत रूपमा मधेश, कोशी र सुदूरपश्चिमबाहेक सबै प्रदेशको आर्थिक वृद्धिदर राष्ट्रिय औसत ४.६१ प्रतिशतभन्दामाथि रहेको अर्थमन्त्रीले बताए ।

चालु आर्थिक वर्षमा नेपालको अर्थतन्त्रको आकार बढेर ६१ खर्ब सात अर्ब रुपैयाँ पुग्ने अनुमान सर्वेक्षणमा उल्लेख गरिएको छ । यस अवधिमा कुल गार्हस्थ्य उत्पादन (जीडीपी)मा कृषि क्षेत्रको योगदान २५.१६ प्रतिशत, उद्योग क्षेत्रको योगदान १२.८३ प्रतिशत र सेवा क्षेत्रको योगदान ६२.१ प्रतिशत रहने अनुमान छ ।

प्रतिव्यक्ति कुल राष्ट्रिय आय बढेर १५ सय १७ अमेरिकी डलर पुगेको र औसत उपभोक्ता मुद्रास्फीति ४.७२ प्रतिशत रहेको अर्थमन्त्री पौडेलले बताए ।