२१ जेठ, विराटनगर । जिल्ला प्रशासन कार्यालय मोरङले बिहान ७ बजेदेखि राष्ट्रिय परिचय पत्र वितरण सुरु गरेकाे छ । सेवाग्राहीको भिड बढेपछि बिहान ७ बजेदेखि राष्ट्रिय परिचयपत्र वितरण सुरु गरेकाे हाे ।
मोरङका प्रमुख जिल्ला अधिकारी इन्द्रदेव यादवका अनुसार बिहान ७ बजेदेखि नै सेवाग्राही कार्यालय आउन थालेपछि सेवा अवधि बढाइएको हो ।
‘बिहान ७ बजे नै सेवाग्राही आउने तर कार्यालय भने १० बजे मात्रै खुल्ने हुँदा सेवाग्राहीलाई सहज भएन,’ उनले भने,‘ बिहान आउने सेवाग्राहीलाई बिहानै सेवा दिन सुरु गरिएको छ ।’
उनका अनुसार बिहानको समयमा दैनिक ३० जना भन्दाबढी सेवाग्राहीले राष्ट्रिय परिचय पत्र बनाइरहेका छन् । परिचयपत्र बनाउनका लागि जिल्ला प्रशासन कार्यालय मोरङमा फोटो खिच्न र विवरण रुजु गर्नका लागि बिहानकाे समयमा ४ जना कर्मचारी खटिने उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4