‘लाज शरणम् २’ बन्ने, फिल्मले मनायो प्रदर्शनको १०१ दिन

News Summary

Generated by OK AI. Editorially reviewed.

फिल्म ‘लाज शरणम्’ले काठमाडौंमा १०१औँ दिन मनाएको अवसरमा विद्यार्थीलाई सहयोग प्रदान गरियो।
निर्माता नवीन श्रेष्ठले सिन्धुपाल्चोकको बालकल्याण विद्यालयलाई स्कुल ड्रेस, ब्याग र पानी पिउने बोतल प्रदान गरे।
फिल्मले काठमाडौंका रञ्जना र बीएसआर हलमा १०१ दिन मनाएको हो र ‘लाज शरणम् २’ को निर्माण तयारी भइरहेको छ।

काठमाडौं । फिल्म ‘लाज शरणम्’ले प्रदर्शनको १०१औँ दिन मनाएको छ । सो अवसरमा विद्यार्थीलाई सहयोग प्रदान गरियो ।

निर्माताले सिन्धुपाल्चोकको चौतारा सांगाचोकगढी नगरपालिका ५ स्थित बालकल्याण आधारभूत विद्यालयमा अध्ययनरत विद्यार्थीलाई ३० थान स्कुल ड्रेस, ब्याग र पानी पिउने बोतल प्रदान गरेको हो ।

निर्माता नवीन श्रेष्ठले उक्त सहयोग हस्तान्तरण गरेका हुन् । ‘यो अवसरका निम्ति आयोजक मदर किड्स फाउन्डेसन नेपाल र एसीके केटिएम सिन्धु चौतार सिटीलाई धन्यवाद दिन्छु’ श्रेष्ठले भने, ‘आउँदा दिनमा सामाजिक काममा सहकार्य गर्दै जानेछौँ ।’

कुमार कट्टेलको निर्देशन रहेको यो फिल्मले काठमाडौंका रञ्जना र बीएसआर हलमा १०१ दिन मनाएको हो । शिवरात्रिको अवसरमा यो फिल्म १४ फागुनमा प्रदर्शनमा आएको हो ।

‘लाज शरणम्’ गत वर्ष कात्तिक १५ गते रिलिज भएको ‘पूर्णबहादुरको सारङ्गी’पछि १०१ दिन मनाउने पहिलो फिल्म हो ।

निर्माता श्रेष्ठले ‘लाज शरणम् २’ पनि निर्माणको तयारी भइरहेको जानकारी दिए ।