जन्मदिनमा निमा रुम्बाले घोषणा गरे नयाँ ट्रयाक ‘संगीतप्रेमी’

News Summary

Generated by OK AI. Editorially reviewed.

पपगायक निमा रुम्बाले आफ्नो जन्मदिनमा नयाँ गीत ‘संगीतप्रेमी’को टिजर सार्वजनिक गरे।
उनले सामाजिक संजालबाट अडियो टिजर र पोस्टर पनि पोस्ट गरे।
निमा रुम्बाले २००७ देखि एकल ट्रयाकहरू रिलिज गर्दै आएका छन् र ‘संगीतप्रेमी’ २०२५ को पहिलो गीत हुनेछ।

काठमाडौं । जन्मदिनमा पपगायक निमा रुम्बाले आगामी गीत ‘संगीतप्रेमी’को टिजर सार्वजनिक गरेका छन् । सामाजिक संजालबाट उनले नयाँ गीतको अडियो टिजरसहित पोस्टर पनि ल्याएका छन् ।

‘तपाईंहरू सबैलाई यो छोटो टिजर सार्वजनिक गर्न पाउँदा खुसी व्यक्त गरिरहेको छु’ उनले लेखेका छन्, ‘ आज यही अवसरमा तपाईंहरू सामु म खुसीका साथ मेरो अब आउने नयाँ गीत ‘संगीतप्रेमी’को सानो टिजर लिएर आएको छु । तपाईंहरू सबैको निरन्तर साथ, समर्थन अनि मायाप्रेमको लागि धन्यवाद ।’

रुम्बाको जन्मदिन गतसाता हो ।

पछिल्लो समय अमेरिकामा बस्दै आएका निमाले सन् २००७ यता धमाधम एकल ट्रयाक रिलिज गरिरहेका छन् । सन् २०२० मा ‘यस्तै नै होला’, सन् २०२३ मा ‘महासागर’, सन् २०२४ मा ‘पागलप्रेमी २’ ल्याएका थिए । ‘संगीतप्रेमी’ सन् २०२५ को पहिलो एकल गीत हुनेछ ।

सन् ९० को दशकका यी चर्चित पपगायकले हुरी बतास, लोलिता, फेथ, प्राइड, रंगाऊ कि मजस्ता चर्चित एल्बम रिलिज गरेका छन् । सन् २०२४ मा उनले अमेरिकाको लस एन्जलस र नेपालको पोखरामा सांगीतिक प्रस्तुति समेत दिएका थिए ।