बाम्का बजारका आगलागी पीडितलाई पुनःस्थापना गर्न सरकारसँग माग

News Summary

Generated by OK AI. Editorially reviewed.

सांसद मदनकुमारी शाहले बाजुराको बाम्का बजार आगलागीमा १३ पसल र २ होटल पूर्णरुपमा नष्ट भएको जानकारी दिइन्।
उनीहरूले सरकारसँग पीडितलाई राहत र पुनःस्थापनाको माग गरेकी छन् र दमकलको अभावले क्षति बढेको बताए।
सांसद शाहले आगलागीको जिम्मा सरकारले लिनुपर्ने र तत्काल पुनःस्थापनाको जोडदार माग गरेकी छन्।

२६ जेठ, काठमाडौं । नेकपा (एकीकृत समाजवादी) की सांसद मदनकुमारी शाहले बाजुराकोे बाम्का बजारमा भएको आगलागी पीडितलाई पुनःस्थापना गर्न सरकारसँग माग गरेकी छिन् ।

सोमबार राष्ट्रिय सभा बैठकको शुन्य समयमा बोल्दै सांसद शाहले बाम्का बजार आगलागीमा १३ पसल र २ वटा होटल पूर्णरुपमा नष्ट भएको जानकारी दिइन् ।

पीडित व्यापारीलाई राहत र क्षतिपूर्तिसहित छिटोभन्दा छिटो पुनःस्थापनाको माग गर्दै सांसद शाहले सरकारले बाजुरालाई एउटा दमकलसमेत दिन नसक्दा यति ठूलो क्षति भएको भन्दै घटनाको सम्पूर्ण जिम्मा सरकारले लिनुपर्ने बताइन् ।

‘यही जेठ २३ गते बाजुरा जिल्लाको बुढीगंगा नगरपालिकाको बाम्का बजारमा भिषण आगलागी हुँदा १३ पसल र २ वटा होटल सम्पूर्ण रुपमा नष्ट भएका छन् । ३४ वटा पसल र होटलमा क्षति भएको छ,’ उनले भनिन्, ‘आगलागीबाट १९ करोडभन्दा बढीको क्षति भएको प्रारम्भिक विवरण छ । यो दुःखद् घटनाप्रति दुःख व्यक्त गर्दछु, पीडितहरुप्रति सहानुभुति प्रकट गर्दछु । पीडित व्यापारीहरुलाई राहत र क्षतिपूर्ति दिएर तुरुन्त पुनःस्थापना गर्न सरकारसँग जोडदार माग गर्दछु ।’

यो पनि पढ्नुहोस

बाम्का बजार आगलागी : १९ करोड क्षति, कसको कति ?

उनले अब्राहम लिंकनको भनाइ उद्धृत गर्दै हजार जना मूर्ख भएपनि देशलाई खासै असर नपर्ने तर एक नेता मूर्ख भए देश डुब्ने र जनताले दुःख पाउने बताइन् ।

‘अब्राहम लिंकनको एउटा भनाइ छ– हजार जना मूर्ख भएपनि देशलाई खासै असर पर्दैन तर एक नेता मूर्ख भए देश डुब्छ र जनताले दुःख पाउँछन्,’ उनले भनिन्, ‘अर्बौं लगाएर भ्यू टावर बनाउने सरकारले बाजुरालाई एउटा दमकल दिन सकेन । दमकल भएको भए सम्भवतः यति ठूलो क्षति हुने थिएन । तसर्थ क्षतिको सम्पूर्ण जिम्मा सरकारले लिनुपर्छ भनी जोडदार माग गर्दछु ।’

यो पनि पढ्नुहोस