नेपाल प्रहरीका पहिलो सगरमाथा आरोही नेपालीलाई अमेरिकामा सम्मान

News Summary

Generated by OK AI. Editorially reviewed.

न्युजर्सी सिटीले नेपाली प्रहरी वरिष्ठ नायब निरीक्षक पुरुषोत्तम नेपालीलाई सम्मान गरेको छ।
उनी सगरमाथा आरोहण गर्ने पहिलो नेपाली प्रहरी हुन् र अन्तर्राष्ट्रिय झण्डा फहराएका थिए।
अमेरिकामा नेपाली समुदाय र विभिन्न संघसंस्थाले उनलाई सम्मान गरेका छन्।

न्युजर्सी । सगरमाथा आरोहण गर्ने नेपाली प्रहरीका पहिलो व्यक्ति वरिष्ठ नायब निरीक्षक पुरुषोत्तम नेपालीलाई अमेरिकाको न्युजर्सी सिटी सरकारले सम्मान गरेको छ । काउन्सिल प्रेसिडेन्ट जोइस ई वाटरमेनले नेपालीलाई सिटी हलमा सम्मान गरेका हुन् ।

कार्यक्रममा न्युजर्सी सिटी सरकारका सल्लाहकार डा. विष्णुमाया परियार, सिटी काउन्सिलका कर्मचारीहरु र नेपालीहरु सहभागी थिए ।

हाल अमेरिका भ्रमणमा रहेका नेपालीलाई बाल्टिमोर एसोसियसन अफ नेपिल्ज अमेरिका, युएस नेपाल क्लाइम्बिङ एसोसिएसन, अलपाइन्स स्पोर्ट्स एसोसिएसन, नेपलिज अमेरिका ल इनफोर्समेन्ट एसोसिएसन लगायतले पनि सम्मान गरेका छन् ।

सोलुखुम्बु घर भई काठमाडौं बस्दै आएका नेपालीले २०८० जेठ २ गते सगरमाथाको सफल आरोहण गरेका थिए । नेपाल प्रहरीबाट सगरमाथा आरोहण गर्ने उनी पहिलो व्यक्ति हुन् । उनले सगरमाथा शिखरमा नेपालको राष्ट्रिय झण्डासँगै अन्तर्राष्ट्रिय प्रहरी संगठन (इन्टपोल) र नेपाल प्रहरीको झण्डा फहराएका थिए ।

उनी इन्टरपोल र भारतको डाक्टर अम्बेडकर सम्मानबाट पनि सम्मानित भइसकेका छन् ।