पाटनमा श्रीनिवास मल्लको आसन प्रदर्शन (तस्वीरहरु)

News Summary

Generated by OK AI. Editorially reviewed.

नेवारी परम्पराअनुसार हरेक वर्ष ज्येष्ठ शुक्ल पूर्णिमाका दिन मल्ल राजा श्रीनिवास मल्लको सिंहासन प्रदर्शन गरिन्छ।
कार्तिक नाच संरक्षण समितिका अध्यक्ष किरण चित्रकारका अनुसार परम्परागत सिंहासन प्रदर्शन र संगीत महोत्सव आयोजना हुन्छ।
सिंहासन र पौभाः अन्य दिन पाटन म्युजियममा सुरक्षित राखिन्छ।

२८ जेठ, काठमाडौं । ललितपुरको मंगलबजारस्थित पाटन दरबार क्षेत्रमा श्रीनिवास मल्लको सिंहासन सार्वजनिक रुपमा प्रदर्शन गरिएको छ ।

नेवारी परम्परा अनुसार हरेक वर्ष ज्येष्ठ शुक्ल पूर्णिमाका अवसरमा मल्ल राजा श्रीनिवास मल्लको सिंहासन प्रदर्शन गरिुन्छ । सोही परम्पराअनुसार आज सिंहासन प्रदर्शनीमा राखिएको हो ।

कार्तिक नाच संरक्षण समितिका अध्यक्ष किरण चित्रकारका अनुसार ज्येष्ठ शुक्ल पूर्णिमाका दिन दरबार क्षेत्रमा मल्ल राजा सिद्धीनरसिंह मल्लको पौभाः र उनका छोरा श्रीनिवास मल्लको सिंहासन प्रदर्शन गर्ने परम्परा लामो समयदेखि चल्दै आएको छ ।

सिंहासन प्रदर्शनसँगै संगीत महोत्सव पनि आयोजना गरिएको छ । झण्डै ४ सय वर्ष अघिदेखि अर्थात् सिद्धीनरसिंह मल्लको पालादेखि जेष्ठ शुक्ल पूर्णिमाका दिन संगीत महोत्सव गर्ने चलन रहिआएको छ ।

संगीत महोत्सवमा राजा सिद्धीनरसिंह मल्लले तयार पारेको भनिने राग मल्हार सहित ३१ वटा राग गाउने गरिन्छ ।

अरु दिन भने सिंहासन र पौभाः पाटन म्युजियम भित्र सुरक्षित तरिकाले राख्ने गरिन्छ ।